വെങ്കടേശ പ്രഭാവ സ്തോത്രം

ശ്രീവേങ്കടേശപദപങ്കജധൂലിപങ്ക്തിഃ
സംസാരസിന്ധുതരണേ തരണിർനവീനാ .
സർവാഘപുഞ്ജഹരണായ ച ധൂമകേതുഃ
പായാദനന്യശരണം സ്വയമേവ ലോകം ..

ശേഷാദ്രിഗേഹ തവ കീർതിതരംഗപുഞ്ജ
ആഭൂമിനാകമഭിതഃ സകലാൻ പുനാനഃ .
മത്കർണയുഗ്മവിവരേ പരിഗമ്യ സമ്യക്
കുര്യാദശേഷമനിശം ഖലു താപഭംഗം ..

വൈകുണ്ഠരാജസകലോഽപി ധനേശവർഗോ
നീതോഽപമാനസരണിം ത്വയി വിശ്വസിത്രാ .
തസ്മാദയം ന സമയഃ പരിഹാസവാചാം
ഇഷ്ടം പ്രപൂര്യ കുരു മാം കൃതകൃത്യസംഘം ..

ശ്രീമന്നാരാസ്തു കതിചിദ്ധനികാംശ്ച കേചിത്
ക്ഷോണീപതീൻ കതിചിദത്ര ച രാജലോകാൻ .
ആരാധയന്തുമലശൂന്യമഹം ഭവന്തം
കല്യാണലാഭജനനായസമർഥമേകം ..

ലക്ഷ്മീപതിത്വമഖിലേശ തവ പ്രസിദ്ധമത്ര
പ്രസിദ്ധമവനൗമദകിഞ്ചനത്വം .
തസ്യോപയോഗകരണായമയാ ത്വയാ ച
കാര്യഃ സമാഗമൈദം മനസി സ്ഥിതം മേ ..

ശേഷാദ്രിനാഥ ഭവതാഽയമഹം സനാഥഃ
സത്യം വദാമി ഭഗവംസ്ത്വമനാഥ ഏവ .
തസ്മാത് കുരുഷ്വ മദഭീപ്സിതകൃത്യജാല-
മേവത്വദീപ്സിത കൃതൗ തു ഭവാൻ സമർഥഃ ..

ക്രുദ്ധോ യദാ ഭവസി തത്ക്ഷണമേവ ഭൂപോ
രങ്കായതേ ത്വമസി ചേത്ഖലു തോഷയുക്തഃ .
ഭൂപായതേഽഥ നിഖിലശ്രുതിവേദ്യരങ്ക
ഇച്ഛാമ്യതസ്തവ ദയാജലവൃഷ്ടിപാതം ..

അംഗീകൃതം സുവിരുദം ഭഗവംസ്ത്വയേതി
മദ്ഭക്തപോഷണമഹം സതതം കരോമി .
ആവിഷ്കുരുസ്വമയി സത്സതതം പ്രദീനേ
ചിന്താപ്രഹാരമയമേവഹിയോഗ്യകാലഃ ..

സർവാസു ജാതിഷു മയാതു സമത്വമേവ
നിശ്ചീയതേതവ വിഭോ കരുണാപ്രവാഹാത് .
പ്രഹ്ലാദപാണ്ഡുസുതബല്ലവ ഗൃഘ്രകാദൗ
നീചോ ന ഭാതി മമ കോഽപ്യത ഏവ ഹേതോഃ ..

സംഭാവിതാസ്തു പരിഭൂതിമഥ പ്രയാന്തി
ധൂർതാജപം ഹി കപടൈകപരാ ജഗത്യാം .
പ്രാപ്തേതു വേങ്കടവിഭോ പരിണാമകാലേ
സ്യാദ്വൈപരീത്യമിവ കൗരവപാണ്ഡവാനാം ..

ശ്രീവേങ്കടേശ തവ പാദസരോജയുഗ്മേ
സംസാരദുഃഖശമനായ സമർപയാമി .
ഭാസ്വത്സദഷ്ടകമിദം രചിതം
പ്രഭാകരോഽഹമനിശം വിനയേന യുക്തഃ ..

ശ്രീശാലിവാഹനശകേശരകാഷ്ടഭൂമി-
സംഖ്യാമിതേഽഥവിജയാഭിധവത്സരേഽയം .
ശ്രീകേശവാത്മജേദം വ്യതനോത് സമല്പം
സ്തോത്രമ്പ്രഭാകര ഇതി പ്രഥിതാഭിധാനാ ..