രാധാകൃഷ്ണ യുഗളാഷ്ടക സ്തോത്രം

വൃന്ദാവനവിഹാരാഢ്യൗ സച്ചിദാനന്ദവിഗ്രഹൗ .
മണിമണ്ഡപമധ്യസ്ഥൗ രാധാകൃഷ്ണൗ നമാമ്യഹം ..1..

പീതനീലപടൗ ശാന്തൗ ശ്യാമഗൗരകളേവരൗ .
സദാ രാസരതൗ സത്യൗ രാധാകൃഷ്ണൗ നമാമ്യഹം ..2..

ഭാവാവിഷ്ടൗ സദാ രമ്യൗ രാസചാതുര്യപണ്ഡിതൗ .
മുരളീഗാനതത്ത്വജ്ഞൗ രാധാകൃഷ്ണൗ നമാമ്യഹം ..3..

യമുനോപവനാവാസൗ കദംബവനമന്ദിരൗ .
കല്പദ്രുമവനാധീശൗ രാധാകൃഷ്ണൗ നമാമ്യഹം ..4..

യമുനാസ്നാനസുഭഗൗ ഗോവർധനവിലാസിനൗ .
ദിവ്യമന്ദാരമാലാഢ്യൗ രാധാകൃഷ്ണൗ നമാമ്യഹം ..5..

മഞ്ജീരരഞ്ജിതപദൗ നാസാഗ്രഗജമൗക്തികൗ .
മധുരസ്മേരസുമുഖൗ രാധാകൃഷ്ണൗ നമാമ്യഹം ..6..

അനന്തകോടിബ്രഹ്മാണ്ഡേ സൃഷ്ടിസ്ഥിത്യന്തകാരിണൗ .
മോഹനൗ സർവലോകാനാം രാധാകൃഷ്ണൗ നമാമ്യഹം ..7..

പരസ്പരസമാവിഷ്ടൗ പരസ്പരഗണപ്രിയൗ .
രസസാഗരസമ്പന്നൗ രാധാകൃഷ്ണൗ നമാമ്യഹം ..8..

Ramaswamy Sastry and Vighnesh Ghanapaathi

Other stotras