विश्वेश्वराय नरकार्णवतारणाय
कर्णामृताय शशिशेखरभूषणाय।
कर्पूरकुन्दधवलाय जटाधराय
दारिद्र्यदुःखदहनाय नमः शिवाय।
गौरीप्रियाय रजनीशकलाधराय
कालान्तकाय भुजगाधिपकङ्कणाय।
गङ्गाधराय गजराजविमर्दनाय
दारिद्र्यदुःखदहनाय नमः शिवाय।
भक्तिप्रियाय भवरोगभयापहाय
ह्युग्राय दुर्गभवसागरतारणाय।
ज्योतिर्मयाय पुनरुद्भववारणाय
दारिद्र्यदुःखदहनाय नमः शिवाय।
चर्मम्बराय शवभस्मविलेपनाय
भालेक्षणाय मणिकुण्डलमण्डिताय।
मञ्जीरपादयुगलाय जटाधराय
दारिद्र्यदुःखदहनाय नमः शिवाय।
पञ्चाननाय फणिराजविभूषणाय
हेमांशुकाय भुवनत्रयमण्डनाय।
आनन्दभूमिवरदाय तमोहराय
दारिद्र्यदुःखदहनाय नमः शिवाय।
भानुप्रियाय दुरितार्णवतारणाय
कालान्तकाय कमलासनपूजिताय।
नेत्रत्रयाय शुभलक्षणलक्षिताय
दारिद्र्यदुःखदहनाय नमः शिवाय।
रामप्रियाय रघुनाथवरप्रदाय
नागप्रियाय नगराजनिकेतनाय।
पुण्याय पुण्यचरिताय सुरार्चिताय
दारिद्र्यदुःखदहनाय नमः शिवाय।
मुक्तेश्वराय फलदाय गणेश्वराय
गीतप्रियाय वृषभेश्वरवाहनाय।
मातङ्गचर्मवसनाय महेश्वराय
दारिद्र्यदुःखदहनाय नमः शिवाय।
गौरीविलासभुवनाय महोदराय
पञ्चाननाय शरणागतरक्षकाय।
शर्वाय सर्वजगतामधिपाय तस्मै
दारिद्र्यदुःखदहनाय नमः शिवाय।
vishveshvaraaya narakaarnavataaranaaya
karnaamri'taaya shashishekharabhooshanaaya.
karpoorakundadhavalaaya jat'aadharaaya
daaridryaduh'khadahanaaya namah' shivaaya.
gaureepriyaaya rajaneeshakalaadharaaya
kaalaantakaaya bhujagaadhipakankanaaya.
gangaadharaaya gajaraajavimardanaaya
daaridryaduh'khadahanaaya namah' shivaaya.
bhaktipriyaaya bhavarogabhayaapahaaya
hyugraaya durgabhavasaagarataaranaaya.
jyotirmayaaya punarudbhavavaaranaaya
daaridryaduh'khadahanaaya namah' shivaaya.
charmambaraaya shavabhasmavilepanaaya
bhaalekshanaaya manikund'alamand'itaaya.
manjeerapaadayugalaaya jat'aadharaaya
daaridryaduh'khadahanaaya namah' shivaaya.
panchaananaaya phaniraajavibhooshanaaya
hemaamshukaaya bhuvanatrayamand'anaaya.
aanandabhoomivaradaaya tamoharaaya
daaridryaduh'khadahanaaya namah' shivaaya.
bhaanupriyaaya duritaarnavataaranaaya
kaalaantakaaya kamalaasanapoojitaaya.
netratrayaaya shubhalakshanalakshitaaya
daaridryaduh'khadahanaaya namah' shivaaya.
raamapriyaaya raghunaathavarapradaaya
naagapriyaaya nagaraajaniketanaaya.
punyaaya punyacharitaaya suraarchitaaya
daaridryaduh'khadahanaaya namah' shivaaya.
mukteshvaraaya phaladaaya ganeshvaraaya
geetapriyaaya vri'shabheshvaravaahanaaya.
maatangacharmavasanaaya maheshvaraaya
daaridryaduh'khadahanaaya namah' shivaaya.
gaureevilaasabhuvanaaya mahodaraaya
panchaananaaya sharanaagatarakshakaaya.
sharvaaya sarvajagataamadhipaaya tasmai
daaridryaduh'khadahanaaya namah' shivaaya.
Shiva Ashtottara Shatanamavali
om shivaaya namah' . om maheshvaraaya namah' . om shambhave namah' . om pinaakine namah' . om shashishekharaaya namah' . om vaamadevaaya namah' . om v....
Click here to know more..Kalki Stotram
jaya hare'maraadheeshasevitam tava padaambujam bhooribhooshanam. kuru mamaagratah' saadhusatkri'tam tyaja mahaamate mohamaatmanah'. tava vapurjagadroo....
Click here to know more..Do you know that a Shiva hater is in fact a Vishnu hater as well?