Shadakshari Mantra Sadashiva Stotram

धनुर्धरित्रीधरसार्वभौमो
मौर्वी च दर्वीकरसार्वभौमः ।
शरस्तु सर्वामरसार्वभौमः
पायात्स नो दैवतसार्वभौमः ॥

वेदान्ततत्त्वमथितं नवनीतसारं
चिद्रूपदृक्परमशैवरहस्यमन्त्रम् ।
ज्योतिर्मयोज्ज्वलनिरञ्जनरूपमन्त्रं
वन्दे षडक्षरिसदाशिवनाममन्त्रम् ॥

अश्रान्तदुष्कृतिसमुद्रतरीशमन्त्रं
पापाम्बुराशिबडवानलतुल्यमन्त्रम् ।
ब्रह्माच्युतेन्द्रसुरमौलिजपैकमन्त्रं
वन्दे षडक्षरिसदाशिवनाममन्त्रम् ॥

कामादिवर्गविपिनप्रलयाग्निमन्त्रं
दुर्दोषशैलकुलिशाधिकभीममन्त्रम् ।
मायान्धकारपरिशोषितभानुमन्त्रं
वन्दे षडक्षरिसदाशिवनाममन्त्रम् ॥

अष्टत्रयाष्टपुरवायुविकारकोश-
क्लेशाष्टपाशबहुदुःखविनाशमन्त्रम् ।
दुश्चित्तदुर्व्यसनदामविभेदमन्त्रं
वन्दे षडक्षरिसदाशिवनाममन्त्रम् ॥

पञ्चप्रसादमहिताक्षरबीजमन्त्रं
मन्त्राग्रगण्यभुवनस्तुतमन्त्रराजम् ।
सर्वोऽपि मन्त्रजनकप्रणवात्ममन्त्रं
वन्दे षडक्षरिसदाशिवनाममन्त्रम् ॥

ओङ्कारबिन्दुसहिताधिकशक्तिबीजं
पञ्चाक्षरत्रितयवर्णकमेकवर्णम् ।
एकादशाक्षरसमन्वितहंसमन्त्रं
वन्दे षडक्षरिसदाशिवनाममन्त्रम् ॥

श्रीसज्जनात्मबहिरन्तरवित्कटाग्र
क्ष्माभागगर्जितनिरन्तरघोषमन्त्रम् ।
षट्चक्रमण्डपविहारविशुद्धमन्त्रं
वन्दे षडक्षरिसदाशिवनाममन्त्रम् ॥

षड्वर्णमन्त्राष्टकमद्भुतार्थं
सर्वागमप्रोक्तजगत्प्रकाशम् ।
यः संपठेन्मुक्तिसमस्तभोगान्
प्राप्नोति सत्यं सति सिद्धमन्त्रम् ॥

dhanurdharitreedharasaarvabhaumo
maurvee cha darveekarasaarvabhaumah' .
sharastu sarvaamarasaarvabhaumah'
paayaatsa no daivatasaarvabhaumah' ..

vedaantatattvamathitam' navaneetasaaram'
chidroopadri'kparamashaivarahasyamantram .
jyotirmayojjvalaniranjanaroopamantram'
vande shad'aksharisadaashivanaamamantram ..

ashraantadushkri'tisamudratareeshamantram'
paapaamburaashibad'avaanalatulyamantram .
brahmaachyutendrasuramaulijapaikamantram'
vande shad'aksharisadaashivanaamamantram ..

kaamaadivargavipinapralayaagnimantram'
durdoshashailakulishaadhikabheemamantram .
maayaandhakaaraparishoshitabhaanumantram'
vande shad'aksharisadaashivanaamamantram ..

asht'atrayaasht'apuravaayuvikaarakosha-
kleshaasht'apaashabahuduh'khavinaashamantram .
dushchittadurvyasanadaamavibhedamantram'
vande shad'aksharisadaashivanaamamantram ..

panchaprasaadamahitaaksharabeejamantram'
mantraagraganyabhuvanastutamantraraajam .
sarvo'pi mantrajanakapranavaatmamantram'
vande shad'aksharisadaashivanaamamantram ..

onkaarabindusahitaadhikashaktibeejam'
panchaaksharatritayavarnakamekavarnam .
ekaadashaaksharasamanvitaham'samantram'
vande shad'aksharisadaashivanaamamantram ..

shreesajjanaatmabahirantaravitkat'aagra
kshmaabhaagagarjitanirantaraghoshamantram .
shat'chakramand'apavihaaravishuddhamantram'
vande shad'aksharisadaashivanaamamantram ..

shad'varnamantraasht'akamadbhutaartham'
sarvaagamaproktajagatprakaasham .
yah' sampat'henmuktisamastabhogaan
praapnoti satyam' sati siddhamantram ..

Ramaswamy Sastry and Vighnesh Ghanapaathi

Other stotras