ഉപരിപഠനത്തിന് തയ്യാറെടുക്കുന്നവർക്കായി ഒരു പ്രാർത്ഥന

എന്‍റെ [നിങ്ങളുടെ പ്രിയപ്പെട്ട ഭഗവാന്‍റെ  / ദേവിയുടെ പേര് ഇവിടെ ചേർക്കുക],

ഞാൻ ഉപരിപഠനത്തിന് തയ്യാറെടുക്കുകയാണ്. എനിക്ക് ഒരു പ്രവേശന പരീക്ഷ പാസാകേണ്ടതുണ്ട്. ഇതിനായി എനിക്ക് ഭഗവാന്‍റെ / അമ്മയുടെ അനുഗ്രഹം അത്യാവശ്യമാണ്. കഠിനാധ്വാനം ചെയ്യാനുള്ള ശക്തി  എനിക്ക് നൽകണേ. നന്നായി പഠിക്കാൻ എനിക്ക് ശ്രദ്ധയും നിശ്ചയദാർഢ്യവും നൽകണേ. ഓരോ വിഷയവും വ്യക്തമായി മനസ്സിലാക്കാൻ എന്നെ സഹായിക്കണേ. ഓർമ്മശക്തി തന്ന് എന്നെ അനുഗ്രഹിക്കണേ. എല്ലാ ചോദ്യങ്ങൾക്കും എളുപ്പത്തിൽ ഉത്തരം നൽകാൻ എനിക്ക് സാധിക്കണേ. പരീക്ഷാസമയത്ത്  എന്‍റെ മനസ്സ് ശാന്തമാക്കി വെയ്ക്കണേ. എല്ലാ ഭയങ്ങളും ആശങ്കകളും ഇല്ലാതാക്കണേ. 

പ്രവേശന പരീക്ഷയ്ക്ക് ശേഷം എന്‍റെ കോഴ്സ്  നന്നായി ചെയ്യാൻ ഞാൻ ആഗ്രഹിക്കുന്നു. എല്ലാം വേഗത്തിൽ പഠിക്കാനുള്ള കഴിവ് എനിക്ക് നൽകണേ. എനിക്ക് നല്ല മാർഗ്ഗദർശനം തരുന്ന  അദ്ധ്യാപകരും  എന്നെ വളരാൻ സഹായിക്കുന്ന സുഹൃത്തുക്കളും ഉണ്ടാകണേ. മോശം സ്വാധീനങ്ങളിൽ നിന്ന് എന്നെ അകറ്റി കാത്തുകൊള്ളണേ. നെഗറ്റീവ് ചിന്തകളിൽ നിന്ന് എന്‍റെ മനസ്സിനെ സംരക്ഷിക്കണേ . എൻ്റെ പദ്ധതികൾ കൃത്യസമയത്ത് പൂർത്തിയാക്കാൻ എന്നെ സഹായിക്കണേ. സർഗ്ഗാത്മകതയും ബുദ്ധിയും തന്ന് എന്നെ അനുഗ്രഹിക്കണേ. എല്ലാ വിഷയങ്ങളിലും മികവ് പുലർത്താൻ ഞാൻ ആഗ്രഹിക്കുന്നു. പഠിക്കാൻ  എനിക്ക് ഊർജ്ജവും ഉത്സാഹവും നൽകണേ.

എന്‍റെ [നിങ്ങളുടെ പ്രിയപ്പെട്ട ഭഗവാന്‍റെ /ദേവിയുടെ പേര് ഇവിടെ ചേർക്കുക],

 സുസ്ഥിരമായ ഒരു കരിയറിന് വേണ്ടിയും ഞാൻ പ്രാർത്ഥിക്കുന്നു. എന്‍റെ പഠനം പൂർത്തിയാക്കിയ ശേഷം, എനിക്ക് ഒരു നല്ല കരിയർ വേണം. ശരിയായ പാത കണ്ടെത്താൻ എനിക്ക് ഭഗവാന്‍റെ / അമ്മയുടെ മാർഗ്ഗനിർദ്ദേശം ആവശ്യമാണ്. എന്‍റെ കരിയറിൽ  വിജയം നൽകി എന്നെ അനുഗ്രഹിക്കണേ. എന്‍റെ കഴിവുകളും അറിവും എനിക്ക് നന്നായി ഉപയോഗിക്കാൻ സാധിക്കണേ. എന്‍റെ ജോലിസ്ഥലത്ത് പ്രശ്നങ്ങളൊന്നും ഉണ്ടാകരുതേ. മാന്യവും സത്യസന്ധവുമായ വരുമാനം നേടാൻ എനിക്ക് സാധിക്കണേ. വളരുന്നതിനും പഠിക്കുന്നതിനുമുള്ള അവസരങ്ങൾ ഉണ്ടാക്കണേ. വെല്ലുവിളികളെ നേരിടാൻ എനിക്ക് ധൈര്യം ഉണ്ടാകണേ. എന്‍റെ ഭാവി ഉജ്ജ്വലവും സുരക്ഷിതവുമായിരിക്കണേ. എനിക്ക് എല്ലായ്പ്പോഴും സമാധാനവും സന്തോഷവും ഉണ്ടാകണേ.

എന്‍റെ കുടുംബത്തിന്‍റെ പിന്തുണയ്ക്കായും ഞാൻ പ്രാർത്ഥിക്കുന്നു. എന്‍റെ മാതാപിതാക്കളെയും എനിക്ക് വേണ്ടപ്പെട്ടവരേയും  അനുഗ്രഹിക്കണേ. അവർക്ക് നല്ല ആരോഗ്യവും സമാധാനവും ഉണ്ടാകണേ. എന്നെ പിന്തുണയ്ക്കാൻ അവർക്ക് ശക്തി നൽകണേ. അവർ എന്നെക്കുറിച്ച് അഭിമാനിക്കാൻ ഞാൻ ആഗ്രഹിക്കുന്നു. അവരുടെ സ്വപ്നങ്ങൾ സാക്ഷാത്ക്കരിക്കുവാൻ എനിക്ക് സാധിക്കണേ. എല്ലാ ഉപദ്രവങ്ങളിൽ നിന്നും എന്‍റെ കുടുംബത്തിനെ സംരക്ഷിക്കണേ. ദുഷ്കരമായ സമയങ്ങളിൽ ഞങ്ങൾക്ക് ശക്തി നൽകണേ. 

എന്‍റെ [നിങ്ങളുടെ പ്രിയപ്പെട്ട ഭഗവാന്‍റെ /ദേവിയുടെ പേര് ഇവിടെ ചേർക്കുക],

എന്‍റെ പരിശ്രമം പ്രധാനമാണെന്ന് എനിക്കറിയാം. ഞാൻ പരമാവധി പരിശ്രമിക്കും, പക്ഷേ എനിക്ക് ഭഗവാന്‍റെ / അമ്മയുടെ പിന്തുണ ആവശ്യമാണ്. മുന്നോട്ട് പോകാനുള്ള ശക്തി എനിക്ക് നൽകണേ. ഭഗവാന്‍റെ / അമ്മയുടെ അനുഗ്രഹങ്ങളിൽ ഞാൻ വിശ്വസിക്കുന്നു. ശരിയായ പാതയിലേക്ക് എന്നെ നയിക്കണേ.  വിജയവും സ്ഥിരതയും സന്തോഷവും തന്ന് എന്നെ  അനുഗ്രഹിക്കണേ.

Ramaswamy Sastry and Vighnesh Ghanapaathi