ആർക്കെങ്കിലും വിജയം ആശംസിക്കുന്നത് ശരിക്കും പ്രയോജനം ചെയ്യുമോ?

ചെയ്യുമെന്ന് പറയുന്നു വസന്തരാജശകുനം എന്ന ഗ്രന്ഥം.

ഗച്ഛേതി പൃഷ്ഠേ പുരതസ്തഥൈഹി വാഗീദൃശീ കേനചിദുച്യമാനാ .. 

സർവാശിഷശ്ചാതിശയേന തേഭ്യശ്ചിത്തസ്യ തുഷ്ട്യർഥജയായ പുംസാം .. 

സിദ്ധയൈ വിരാവാ ജഹി ഛിന്ധി ഭിധി ചേത്യാദയഃ ശത്രുവധോദ്യതാനാം.. 

ക്വ യാസി മാ ഗച്ഛ തഥൈവമാദ്യാഃ പ്രയോജനാരംഭനിവാരണാർഥഃ ..

നിങ്ങൾ എന്തെങ്കിലും കാര്യത്തിനായി പോകുമ്പോൾ, ആരെങ്കിലും പ്രോത്സാഹജനകമായ വാക്കുകൾ പറയുകയാണെങ്കിൽ അത് കാര്യസിദ്ധിക്ക് ഉപകരിക്കും.

ഉദാഹരണം: ഒരു ഫുട്ബോൾ ടീം മത്സരത്തിനായി ഗ്രൌണ്ടിലേക്ക് പ്രവേശിക്കുന്നു. 'അവൻമാരെ  തകർക്കെടാ', 'അടിച്ച് പൊളിക്ക് ' തുടങ്ങിയ ആർപ്പുവിളികൾ അവരുടെ വിജയത്തിന് സഹായകരമാകും.

അതേസമയം ഒരു വഴിക്കിറങ്ങുന്ന ആളോട്,  'വല്ല പ്രയോജനവും ഉണ്ടാകുമോ?', 'ഇത് വേണോ?' തുടങ്ങിയ നെഗറ്റീവായ വാക്കുകൾ പറയുന്നത് കാര്യസിദ്ധിയെ പ്രതികൂലമായി ബാധിക്കും.

ഒരാൾക്ക്  വിജയം ആശംസിക്കുമ്പോഴും ഇതേ തത്വം ബാധകമാണ്.

വാക്കുകൾ ഉദ്ദേശ്യത്തെ പ്രതിഫലിപ്പിക്കുന്നു 

വാക്കുകൾ നമ്മുടെ ഉദ്ദേശ്യങ്ങളുടേയും ആഗ്രഹങ്ങളുടേയും  ശക്തമായ വാഹകരാണ്. ആരുടെയെങ്കിലും വിജയത്തിനായുള്ള ആഗ്രഹം വാക്കുകളിലൂടെ പ്രകടിപ്പിക്കുമ്പോൾ, നിങ്ങൾ ശബ്ദങ്ങൾ ഉച്ചരിക്കുക മാത്രമല്ല ചെയ്യുന്നത് - അവരുടെ ക്ഷേമത്തിനായുള്ള ബോധപൂർവമായ ഉദ്ദേശ്യവും ആഗ്രഹവും അവരിലേക്ക് എത്തിക്കുകയാണ് .

നല്ല ഉദ്ദേശ്യത്തെ  പ്രകടിപ്പിക്കുന്ന ഈ പ്രവൃത്തി, ആഗ്രഹിക്കുന്ന ഫലത്തെ സാക്ഷാത്ക്കരിക്കാൻ സഹായിക്കും. നമ്മുടെ ചിന്തകൾക്കും വാക്കുകൾക്കും പരിണാമങ്ങളെ  സ്വാധീനിക്കാൻ കഴിയുമെന്ന തത്വത്തിലാണ് ഇത് വേരൂന്നിയിരിക്കുന്നത്.

എല്ലാറ്റിന്‍റെയും പരസ്പരബന്ധം

പ്രപഞ്ചത്തിലെ എല്ലാമെല്ലാം പരസ്പരം ബന്ധപ്പെട്ടിരിക്കുന്നു എന്ന തത്വം സൂചിപ്പിക്കുന്നത് നമ്മുടെ വാക്കുകൾക്ക് ദൂരവ്യാപകമായ ഫലങ്ങൾ ഉണ്ടാക്കാൻ കഴിയുമെന്നാണ്.

വ്യക്തിയെ മാത്രമല്ല പരിസ്ഥിതിയെയും സ്വാധീനിക്കുന്ന പോസിറ്റീവ് വാക്കുകൾ പോസിറ്റീവ് ഊർജ്ജം വഹിക്കുന്നു.

പ്രപഞ്ചത്തിലേക്ക് വാക്കുകളിലൂടെ നല്ല ഉദ്ദേശ്യങ്ങൾ അയക്കുന്നതിലൂടെ  നിങ്ങൾ സമഷ്ടിയായ മനസ്സിനെ (collective mind) സ്വാധീനിക്കുന്നു, അത് ഒരു തരംഗ സ്വാധീനം ഉണ്ടാക്കും.

ആശീർവാദത്തിനായി വേദമന്ത്രങ്ങൾ 

സനാതനധർമ്മത്തിന്‍റെ പാരമ്പര്യം വാക്കുകളുടെയും ഉദ്ദേശ്യങ്ങളുടെയും ശക്തിയെ ഊന്നിപ്പറയുന്നു.

വേദങ്ങളിൽ സംരക്ഷണം, വിജയം എന്നിവ നേരുവാൻ മന്ത്രങ്ങൾ ചൊല്ലുന്നു. വാക്കുകളിലൂടെ സാഹചര്യങ്ങളെ  സ്വാധീനിക്കാൻ കഴിയുമെന്ന തത്വത്തെ അടിസ്ഥാനമാക്കിയുള്ളതാണ് ഇത്. വാക്കുകളുടെ പരിവർത്തനം വരുത്തുവാനുള്ള ശക്തിയെ ഇത് എടുത്തു കാണിക്കുന്നു.

 മറ്റ് ചില കാഴ്ചപ്പാടുകൾ

ആർക്കെങ്കിലും പ്രോത്സാഹന വാക്കുകളോ ആശംസകളോ ലഭിക്കുമ്പോൾ അത് അവരുടെ  ആത്മവിശ്വാസത്തെ ഗണ്യമായി വർദ്ധിപ്പിക്കും. ഈ ഉയർന്ന ആത്മവിശ്വാസം മികച്ച ഫലങ്ങളിലേക്ക് നയിക്കും.

പ്രോത്സാഹജനകമായ വാക്കുകൾ ലക്ഷ്യം നേടാനുള്ള നിശ്ചയദാർഢ്യത്തെ ഊട്ടിയുറപ്പിക്കും.

പ്രോത്സാഹനങ്ങൾ സമ്മർദ്ദത്തെ ലഘുകരിക്കും.

മറ്റുള്ളവർ തന്‍റെ കഴിവിൽ വിശ്വസിക്കുന്നുവെന്ന് അറിയുന്നത് വെല്ലുവിളികളെ അതിജീവിക്കാൻ കൂടുതൽ കരുത്ത് നൽകും.

പ്രതികൂലമായ വാക്കുകൾ  പ്രതികൂല ഫലങ്ങൾ ഉണ്ടാക്കും

പോസിറ്റീവായ വാക്കുകൾക്ക് ആത്മവിശ്വാസത്തെ  ഉയർത്താൻ കഴിയുന്നതുപോലെ, നെഗറ്റീവായ വാക്കുകൾ ആത്മവിശ്വാസത്തെ ദുർബലപ്പെടുത്തും.

വിമർശനവും നിരുത്സാഹപ്പെടുത്തുന്നതും വ്യക്തികളെ സ്വന്തം കഴിവുകളെ സംശയിക്കാൻ കാരണമാകും. ഇതുമൂലം ഉത്കണ്ഠ വർദ്ധിക്കുകയും മോശമായ പ്രകടനത്തിലേക്ക് നയിക്കുകയും ചെയ്യും. 

Ramaswamy Sastry and Vighnesh Ghanapaathi