जपाकुसुमसङ्काशं काश्यपेयं महाद्युतिम्।
तमोऽरिं सर्वपापघ्नं प्रणतोऽस्मि दिवाकरम्|
दधिशङ्खतुषाराभं क्षीरोदार्णवसंभवम्।
नमामि शशिनं सोमं शम्भोर्मुकुटभूषणम्|
धरणीगर्भसंभूतं विद्युत्कान्तिसमप्रभम्।
कुमारं शक्तिहस्तं तं मङ्गलं प्रणमाम्यहम्|
प्रियङ्गुकलिकाश्यामं रूपेणाप्रतिमं बुधम्।
सौम्यं सौम्यगुणोपेतं तं बुधं प्रणमाम्यहम्|
देवानाञ्च ऋषीणाञ्च गुरुं काञ्चनसन्निभम्।
बुद्धिभूतं त्रिलोकेशं तं नमामि बृहस्पतिम्|
हिमकुन्दमृणालाभं दैत्यानां परमं गुरुम्।
सर्वशास्त्रप्रवक्तारं भार्गवं प्रणमाम्यहम्|
नीलाञ्जनसमाभासं रविपुत्रं यमाग्रजम्।
छायामार्ताण्डसम्भूतं तं नमामि शनैश्चरम्|
अर्धकायं महावीर्यं चन्द्रादित्यविमर्दनम्।
सिंहिकागर्भसम्भूतं तं राहुं प्रणमाम्यहम्|
पलाशपुष्पसङ्काशं तारकाग्रहमस्तकम्।
रौद्रं रौद्रात्मकं घोरं तं केतुं प्रणमाम्यहम्|
इति व्यासमुखोद्गीतं यः पठेत् सुसमाहितः।
दिवा वा यदि वा रात्रौ विघ्नशान्तिर्भविष्यति|
नरनारीनृपाणां च भवेद् दुःस्वप्ननाशनम्।
ऐश्वर्यमतुलं तेषामारोग्यं पुष्टिवर्धनम्|
ग्रहनक्षत्रजाः पीडास्तस्कराग्निसमुद्भवाः।
ताः सर्वाः प्रशमं यान्ति व्यासो ब्रूते न संशयः|
japakusumasankasham kashyapeyam mahadyutim.
tamorim sarvapapaghnam pranatosmi divakaram|
dadhishankhatusharabham kshirodarnavasambhavam.
namami shashinam somam shambhormukutabhushanam|
dharanigarbhasambhutam vidyutkantisamaprabham.
kumaram shaktihastam tam mangalam pranamamyaham|
priyangukalikashyamam rupenapratimam budham.
saumyam saumyagunopetam tam budham pranamamyaham|
devanancha rishinancha gurum kanchanasannibham.
buddhibhutam trilokesham tam namami brihaspatim|
himakundamrinalabham daityanam paramam gurum.
sarvashastrapravaktaram bhargavam pranamamyaham|
nilanjanasamabhasam raviputram yamagrajam.
chhayamartandasambhutam tam namami shanaishcharam|
ardhakayam mahaviryam chandradityavimardanam.
simhikagarbhasambhutam tam rahum pranamamyaham|
palashapushpasankasham tarakagrahamastakam.
raudram raudratmakam ghoram tam ketum pranamamyaham|
iti vyasamukhodgitam yah pathet susamahitah.
diva va yadi va ratrau vighnashantirbhavishyati|
naranarinripanam cha bhaved duhsvapnanashanam.
aishvaryamatulam teshamarogyam pushtivardhanam|
grahanakshatrajah pidastaskaragnisamudbhavah.
tah sarvah prashamam yanti vyaso brute na samshayah|
Shridhara Panchakam
कारुण्यं शरणार्थिषु प्रजनयन् काव्यादिपुष्पार्चितो वे....
Click here to know more..Brihaspati Kavacham
asya shreebri'haspatikavachastotramantrasya. eeshvara ri'shih'. anusht'up chhandah'. gururdevataa. gam beejam. shreeshaktih'. kleem keelakam. gurupree....
Click here to know more..How to deal with contradictions within Hinduism?
Mixing systems and traditions can lead to confusion, so don't do it. It is also important to be aware of the time and circumstances of a particular pr....
Click here to know more..