Lalitamba Stuti

का त्वं शुभकरे सुखदुःखहस्ते
त्वाघूर्णितं भवजलं प्रबलोर्मिभङ्गैः।
शान्तिं विधातुमिह किं बहुधा विभग्नां
मतः प्रयत्नपरमासि सदैव विश्वे।
सम्पादयत्यविरतं त्वविरामवृत्ता
या वै स्थिता कृतफलं त्वकृतस्य नेत्री।
सा मे भवत्वनुदिनं वरदा भवानी
जानाम्यहं ध्रुवमिदं धृतकर्मपाशा।
को वा धर्मः किमकृतं क्व कपाललेखः
किं वादृष्टं फलमिहास्ति हि यां विना भोः।
इच्छापाशैर्नियमिता नियमाः स्वतन्त्रैः
यस्या नेत्री भवति सा शरणं ममाद्या।
सन्तानयन्ति जलधिं जनिमृत्युजालम्
सम्भावयन्त्यविकृतं विकृतं विभग्नम्।
यस्या विभूतय इहामितशक्तिपालाः
नाश्रित्य तां वद कुतः शरणं व्रजामः।
मित्रे रिपौ त्वविषमं तव पद्मनेत्रं
स्वस्थे दुःस्थे त्ववितथं तव हस्तपातः।
मृत्युच्छाया तव दया त्वमृतञ्च मातः
मा मां मुञ्चन्तु परमे शुभदृष्टयस्ते।
क्वाम्बा सर्वा क्व गणनं मम हीनबुद्धेः
धत्तुं दोर्भ्यामिव मतिर्जगदेकधात्रीम्।
श्रीसञ्चिन्त्यं सुचरणमभयपतिष्ठं
सेवासारैरभिनुतं शरणं प्रपद्ये।
या माया जन्म विनयत्यतिदुःखमार्गै-
रासंसिद्धेः स्वकलितैर्ल्ललितैर्विलासैः।
या मे बुद्धिं सुविदधे सततं धरण्यां
साम्बा सर्वा मम गतिः सफले फले वा।

kaa tvam shubhakare sukhaduh'khahaste
tvaaghoornitam bhavajalam prabalormibhangaih'.
shaantim vidhaatumiha kim bahudhaa vibhagnaam
matah' prayatnaparamaasi sadaiva vishve.
sampaadayatyaviratam tvaviraamavri'ttaa
yaa vai sthitaa kri'taphalam tvakri'tasya netree.
saa me bhavatvanudinam varadaa bhavaanee
jaanaamyaham dhruvamidam dhri'takarmapaashaa.
ko vaa dharmah' kimakri'tam kva kapaalalekhah'
kim vaadri'sht'am phalamihaasti hi yaam vinaa bhoh'.
ichchhaapaashairniyamitaa niyamaah' svatantraih'
yasyaa netree bhavati saa sharanam mamaadyaa.
santaanayanti jaladhim janimri'tyujaalam
sambhaavayantyavikri'tam vikri'tam vibhagnam.
yasyaa vibhootaya ihaamitashaktipaalaah'
naashritya taam vada kutah' sharanam vrajaamah'.
mitre ripau tvavishamam tava padmanetram
svasthe duh'sthe tvavitatham tava hastapaatah'.
mri'tyuchchhaayaa tava dayaa tvamri'tancha maatah'
maa maam munchantu parame shubhadri'sht'ayaste.
kvaambaa sarvaa kva gananam mama heenabuddheh'
dhattum dorbhyaamiva matirjagadekadhaatreem.
shreesanchintyam sucharanamabhayapatisht'ham
sevaasaarairabhinutam sharanam prapadye.
yaa maayaa janma vinayatyatiduh'khamaargai-
raasamsiddheh' svakalitairllalitairvilaasaih'.
yaa me buddhim suvidadhe satatam dharanyaam
saambaa sarvaa mama gatih' saphale phale vaa.

Ramaswamy Sastry and Vighnesh Ghanapaathi

Other stotras