त्रिलोकजननीं देवीं सुरार्चितपदद्वयाम्|
मातरं सर्वजन्तूनां भजे नित्यं हरिप्रियाम्|
प्रत्यक्षसिद्धिदां रम्यामाद्यां चन्द्रसहोदरीम्|
दयाशीलां महामायां भजे नित्यं हरिप्रियाम्|
इन्दिरामिन्द्रपूज्यां च शरच्चन्द्रसमाननाम्|
मन्त्ररूपां महेशानीं भजे नित्यं हरिप्रियाम्|
क्षीराब्धितनयां पुण्यां स्वप्रकाशस्वरूपिणीम्|
इन्दीवरासनां शुद्धां भजे नित्यं हरिप्रियाम्|
सर्वतीर्थस्थितां धात्रीं भवबन्धविमोचनीम्|
नित्यानन्दां महाविद्यां भजे नित्यं हरिप्रियाम्|
स्वर्णवर्णसुवस्त्रां च रत्नग्रैवेयभूषणाम्|
ध्यानयोगादिगम्यां च भजे नित्यं हरिप्रियाम्|
सामगानप्रियां श्रेष्ठां सूर्यचन्द्रसुलोचनाम्|
नारायणीं श्रियं पद्मां भजे नित्यं हरिप्रियाम्|
वैकुण्ठे राजमानां च सर्वशास्त्रविचक्षणाम्|
निर्गुणां निर्मलां नित्यां भजे नित्यं हरिप्रियाम्|
धनदां भक्तचित्तस्थ- सर्वकाम्यप्रदायिनीम्|
बिन्दुनादकलातीतां भजे नित्यं हरिप्रियाम्|
शान्तरूपां विशालाक्षीं सर्वदेवनमस्कृताम्|
सर्वावस्थाविनिर्मुक्तां भजे नित्यं हरिप्रियाम्|
स्तोत्रमेतत् प्रभाते यः पठेद् भक्त्या युतो नरः|
स धनं कीर्तिमाप्नोति विष्णुभक्तिं च विन्दति|
trilokajananeem deveem suraarchitapadadvayaam|
maataram sarvajantoonaam bhaje nityam haripriyaam|
pratyakshasiddhidaam ramyaamaadyaam chandrasahodareem|
dayaasheelaam mahaamaayaam bhaje nityam haripriyaam|
indiraamindrapoojyaam cha sharachchandrasamaananaam|
mantraroopaam maheshaaneem bhaje nityam haripriyaam|
ksheeraabdhitanayaam punyaam svaprakaashasvaroopineem|
indeevaraasanaam shuddhaam bhaje nityam haripriyaam|
sarvateerthasthitaam dhaatreem bhavabandhavimochaneem|
nityaanandaam mahaavidyaam bhaje nityam haripriyaam|
svarnavarnasuvastraam cha ratnagraiveyabhooshanaam|
dhyaanayogaadigamyaam cha bhaje nityam haripriyaam|
saamagaanapriyaam shresht'haam sooryachandrasulochanaam|
naaraayaneem shriyam padmaam bhaje nityam haripriyaam|
vaikunt'he raajamaanaam cha sarvashaastravichakshanaam|
nirgunaam nirmalaam nityaam bhaje nityam haripriyaam|
dhanadaam bhaktachittastha- sarvakaamyapradaayineem|
bindunaadakalaateetaam bhaje nityam haripriyaam|
shaantaroopaam vishaalaaksheem sarvadevanamaskri'taam|
sarvaavasthaavinirmuktaam bhaje nityam haripriyaam|
stotrametat prabhaate yah' pat'hed bhaktyaa yuto narah'|
sa dhanam keertimaapnoti vishnubhaktim cha vindati|
Vishnu Dashavatara Stuti
magnaa yadaajyaa pralaye payodhaa buddhaarito yena tadaa hi vedah'. meenaavataaraaya gadaadharaaya tasmai namah' shreemadhusoodanaaya. kalpaantakaale ....
Click here to know more..Shiva Shankara Stotram
वृषाधिरूढमव्ययं परात्परम् ।। वन्दे शिवशङ्करम् । mahaanat'am haram ....
Click here to know more..Ramayana is not a fight between Aryans and Dravidians