ವೇಂಗಟೇಶ ಪ್ರಭಾವ ಸ್ತೋತ್ರ

ಶ್ರೀವೇಂಕಟೇಶಪದಪಂಕಜಧೂಲಿಪಂಕ್ತಿಃ
ಸಂಸಾರಸಿಂಧುತರಣೇ ತರಣಿರ್ನವೀನಾ .
ಸರ್ವಾಘಪುಂಜಹರಣಾಯ ಚ ಧೂಮಕೇತುಃ
ಪಾಯಾದನನ್ಯಶರಣಂ ಸ್ವಯಮೇವ ಲೋಕಂ ..

ಶೇಷಾದ್ರಿಗೇಹ ತವ ಕೀರ್ತಿತರಂಗಪುಂಜ
ಆಭೂಮಿನಾಕಮಭಿತಃ ಸಕಲಾನ್ ಪುನಾನಃ .
ಮತ್ಕರ್ಣಯುಗ್ಮವಿವರೇ ಪರಿಗಮ್ಯ ಸಮ್ಯಕ್
ಕುರ್ಯಾದಶೇಷಮನಿಶಂ ಖಲು ತಾಪಭಂಗಂ ..

ವೈಕುಂಠರಾಜಸಕಲೋಽಪಿ ಧನೇಶವರ್ಗೋ
ನೀತೋಽಪಮಾನಸರಣಿಂ ತ್ವಯಿ ವಿಶ್ವಸಿತ್ರಾ .
ತಸ್ಮಾದಯಂ ನ ಸಮಯಃ ಪರಿಹಾಸವಾಚಾಂ
ಇಷ್ಟಂ ಪ್ರಪೂರ್ಯ ಕುರು ಮಾಂ ಕೃತಕೃತ್ಯಸಂಘಂ ..

ಶ್ರೀಮನ್ನಾರಾಸ್ತು ಕತಿಚಿದ್ಧನಿಕಾಂಶ್ಚ ಕೇಚಿತ್
ಕ್ಷೋಣೀಪತೀನ್ ಕತಿಚಿದತ್ರ ಚ ರಾಜಲೋಕಾನ್ .
ಆರಾಧಯಂತುಮಲಶೂನ್ಯಮಹಂ ಭವಂತಂ
ಕಲ್ಯಾಣಲಾಭಜನನಾಯಸಮರ್ಥಮೇಕಂ ..

ಲಕ್ಷ್ಮೀಪತಿತ್ವಮಖಿಲೇಶ ತವ ಪ್ರಸಿದ್ಧಮತ್ರ
ಪ್ರಸಿದ್ಧಮವನೌಮದಕಿಂಚನತ್ವಂ .
ತಸ್ಯೋಪಯೋಗಕರಣಾಯಮಯಾ ತ್ವಯಾ ಚ
ಕಾರ್ಯಃ ಸಮಾಗಮೈದಂ ಮನಸಿ ಸ್ಥಿತಂ ಮೇ ..

ಶೇಷಾದ್ರಿನಾಥ ಭವತಾಽಯಮಹಂ ಸನಾಥಃ
ಸತ್ಯಂ ವದಾಮಿ ಭಗವಂಸ್ತ್ವಮನಾಥ ಏವ .
ತಸ್ಮಾತ್ ಕುರುಷ್ವ ಮದಭೀಪ್ಸಿತಕೃತ್ಯಜಾಲ-
ಮೇವತ್ವದೀಪ್ಸಿತ ಕೃತೌ ತು ಭವಾನ್ ಸಮರ್ಥಃ ..

ಕ್ರುದ್ಧೋ ಯದಾ ಭವಸಿ ತತ್ಕ್ಷಣಮೇವ ಭೂಪೋ
ರಂಕಾಯತೇ ತ್ವಮಸಿ ಚೇತ್ಖಲು ತೋಷಯುಕ್ತಃ .
ಭೂಪಾಯತೇಽಥ ನಿಖಿಲಶ್ರುತಿವೇದ್ಯರಂಕ
ಇಚ್ಛಾಮ್ಯತಸ್ತವ ದಯಾಜಲವೃಷ್ಟಿಪಾತಂ ..

ಅಂಗೀಕೃತಂ ಸುವಿರುದಂ ಭಗವಂಸ್ತ್ವಯೇತಿ
ಮದ್ಭಕ್ತಪೋಷಣಮಹಂ ಸತತಂ ಕರೋಮಿ .
ಆವಿಷ್ಕುರುಸ್ವಮಯಿ ಸತ್ಸತತಂ ಪ್ರದೀನೇ
ಚಿಂತಾಪ್ರಹಾರಮಯಮೇವಹಿಯೋಗ್ಯಕಾಲಃ ..

ಸರ್ವಾಸು ಜಾತಿಷು ಮಯಾತು ಸಮತ್ವಮೇವ
ನಿಶ್ಚೀಯತೇತವ ವಿಭೋ ಕರುಣಾಪ್ರವಾಹಾತ್ .
ಪ್ರಹ್ಲಾದಪಾಂಡುಸುತಬಲ್ಲವ ಗೃಘ್ರಕಾದೌ
ನೀಚೋ ನ ಭಾತಿ ಮಮ ಕೋಽಪ್ಯತ ಏವ ಹೇತೋಃ ..

ಸಂಭಾವಿತಾಸ್ತು ಪರಿಭೂತಿಮಥ ಪ್ರಯಾಂತಿ
ಧೂರ್ತಾಜಪಂ ಹಿ ಕಪಟೈಕಪರಾ ಜಗತ್ಯಾಂ .
ಪ್ರಾಪ್ತೇತು ವೇಂಕಟವಿಭೋ ಪರಿಣಾಮಕಾಲೇ
ಸ್ಯಾದ್ವೈಪರೀತ್ಯಮಿವ ಕೌರವಪಾಂಡವಾನಾಂ ..

ಶ್ರೀವೇಂಕಟೇಶ ತವ ಪಾದಸರೋಜಯುಗ್ಮೇ
ಸಂಸಾರದುಃಖಶಮನಾಯ ಸಮರ್ಪಯಾಮಿ .
ಭಾಸ್ವತ್ಸದಷ್ಟಕಮಿದಂ ರಚಿತಂ
ಪ್ರಭಾಕರೋಽಹಮನಿಶಂ ವಿನಯೇನ ಯುಕ್ತಃ ..

ಶ್ರೀಶಾಲಿವಾಹನಶಕೇಶರಕಾಷ್ಟಭೂಮಿ-
ಸಂಖ್ಯಾಮಿತೇಽಥವಿಜಯಾಭಿಧವತ್ಸರೇಽಯಂ .
ಶ್ರೀಕೇಶವಾತ್ಮಜೇದಂ ವ್ಯತನೋತ್ ಸಮಲ್ಪಂ
ಸ್ತೋತ್ರಂಪ್ರಭಾಕರ ಇತಿ ಪ್ರಥಿತಾಭಿಧಾನಾ ..