അലകാവൃതലസദലികേ വിരചിതകസ്തൂരികാതിലകേ .
ചപലയശോദാബാലേ ശോഭിതഭാലേ മതിർമേഽസ്തു ..

മുഖരിതനൂപുരചരണേ കടിബദ്ധക്ഷുദ്രഘണ്ടികാവരണേ .
ദ്വീപികരജകൃതഭൂഷണഭൂഷിതഹൃദയേ മതിർമേഽസ്തു ..

കരധൃതനവനവനീതേ ഹിതകൃതജനനീവിഭീഷികാഭിതേ .
രതിമുദ്വഹതാച്ചേതോ ഗോപീഭിർവശ്യതാം നീതേ ..

ബാലദശാമതിമുഗ്ധേ ചോരിതദുഗ്ധേ വ്രജാംഗനാഭവനാത് .
തദുപാലംഭവചോഭയവിഭ്രമനയനേ മതിർമേഽസ്തു ..

വ്രജകർദമലിപ്താംഗേ സ്വരൂപസുഷമാജിതാനംഗേ .
കൃതനന്ദാംഗണരിംഗണ വിവിധവിഹാരേ മതിർമേഽസ്തു ..

കരവരധൃതലഘുലകുടേ വിചിത്രമായൂരചന്ദ്രികാമുകുടേ .
നാസാഗതമുക്താമണിജടിതവിഭൂഷേ മതിർമേഽസ്തു ..

അഭിനന്ദനകൃതനൃത്യേ വിരചിതനിജഗോപികാകൃത്യേ .
ആനന്ദിതനിജഭൃത്യേ പ്രഹസനമുദിതേ മതിർമേഽസ്തു ..

കാമാദപി കമനീയേ നമനീയേ ബ്രഹ്മരുദ്രാദ്യൈഃ .
നിഃസാധവഭജനീയേ ഭാവതനൗ മേ മതിർഭൂയാത് ..

Ramaswamy Sastry and Vighnesh Ghanapaathi