ನವನೀತ ಪ್ರಿಯ ಕೃಷ್ಣ ಅಷ್ಟಕ ಸ್ತೋತ್ರ

ಅಲಕಾವೃತಲಸದಲಿಕೇ ವಿರಚಿತಕಸ್ತೂರಿಕಾತಿಲಕೇ .
ಚಪಲಯಶೋದಾಬಾಲೇ ಶೋಭಿತಭಾಲೇ ಮತಿರ್ಮೇಽಸ್ತು ..

ಮುಖರಿತನೂಪುರಚರಣೇ ಕಟಿಬದ್ಧಕ್ಷುದ್ರಘಂಟಿಕಾವರಣೇ .
ದ್ವೀಪಿಕರಜಕೃತಭೂಷಣಭೂಷಿತಹೃದಯೇ ಮತಿರ್ಮೇಽಸ್ತು ..

ಕರಧೃತನವನವನೀತೇ ಹಿತಕೃತಜನನೀವಿಭೀಷಿಕಾಭಿತೇ .
ರತಿಮುದ್ವಹತಾಚ್ಚೇತೋ ಗೋಪೀಭಿರ್ವಶ್ಯತಾಂ ನೀತೇ ..

ಬಾಲದಶಾಮತಿಮುಗ್ಧೇ ಚೋರಿತದುಗ್ಧೇ ವ್ರಜಾಂಗನಾಭವನಾತ್ .
ತದುಪಾಲಂಭವಚೋಭಯವಿಭ್ರಮನಯನೇ ಮತಿರ್ಮೇಽಸ್ತು ..

ವ್ರಜಕರ್ದಮಲಿಪ್ತಾಂಗೇ ಸ್ವರೂಪಸುಷಮಾಜಿತಾನಂಗೇ .
ಕೃತನಂದಾಂಗಣರಿಂಗಣ ವಿವಿಧವಿಹಾರೇ ಮತಿರ್ಮೇಽಸ್ತು ..

ಕರವರಧೃತಲಘುಲಕುಟೇ ವಿಚಿತ್ರಮಾಯೂರಚಂದ್ರಿಕಾಮುಕುಟೇ .
ನಾಸಾಗತಮುಕ್ತಾಮಣಿಜಟಿತವಿಭೂಷೇ ಮತಿರ್ಮೇಽಸ್ತು ..

ಅಭಿನಂದನಕೃತನೃತ್ಯೇ ವಿರಚಿತನಿಜಗೋಪಿಕಾಕೃತ್ಯೇ .
ಆನಂದಿತನಿಜಭೃತ್ಯೇ ಪ್ರಹಸನಮುದಿತೇ ಮತಿರ್ಮೇಽಸ್ತು ..

ಕಾಮಾದಪಿ ಕಮನೀಯೇ ನಮನೀಯೇ ಬ್ರಹ್ಮರುದ್ರಾದ್ಯೈಃ .
ನಿಃಸಾಧವಭಜನೀಯೇ ಭಾವತನೌ ಮೇ ಮತಿರ್ಭೂಯಾತ್ ..

Ramaswamy Sastry and Vighnesh Ghanapaathi

Other stotras