ഹരികലഭതുരംഗതുംഗവാഹനം ഹരിമണിമോഹനഹാരചാരുദേഹം.
ഹരിദധീപനതം ഗിരീന്ദ്രഗേഹം ഹരിഹരപുത്രമുദാരമാശ്രയാമി.
നിരുപമ പരമാത്മനിത്യബോധം ഗുരുവരമദ്ഭുതമാദിഭൂതനാഥം.
സുരുചിരതരദിവ്യനൃത്തഗീതം ഹരിഹരപുത്രമുദാരമാശ്രയാമി.
അഗണിതഫലദാനലോലശീലം നഗനിലയം നിഗമാഗമാദിമൂലം.
അഖിലഭുവനപാലകം വിശാലം ഹരിഹരപുത്രമുദാരമാശ്രയാമി.
ഘനരസകലഭാഭിരമ്യഗാത്രം കനകകരോജ്വല കമനീയവേത്രം.
അനഘസനകതാപസൈകമിത്രം ഹരിഹരപുത്രമുദാരമാശ്രയാമി.
സുകൃതസുമനസാം സതാം ശരണ്യം സകൃദുപസേവകസാധുലോകവർണ്യം.
സകലഭുവനപാലകം വരേണ്യം ഹരിഹരപുത്രമുദാരമാശ്രയാമി.
വിജയകര വിഭൂതിവേത്രഹസ്തം വിജയകരം വിവിധായുധ പ്രശസ്തം.
വിജിത മനസിജം ചരാചരസ്ഥം ഹരിഹരപുത്രമുദാരമാശ്രയേഹം.
സകലവിഷയമഹാരുജാപഹാരം ജഗദുദയസ്ഥിതിനാശഹേതുഭൂതം.
അഗനഗമൃഗയാമഹാവിനോദം ഹരിഹരപുത്രമുദാരമാശ്രയേഹം.
ത്രിഭുവനശരണം ദയാപയോധിം പ്രഭുമമരാഭരണം രിപുപ്രമാഥിം.
അഭയവരകരോജ്ജ്വലത്സമാധിം ഹരിഹരപുത്രമുദാരമാശ്രയേഹം.
ജയജയ മണികണ്ഠ വേത്രദണ്ഡ ജയ കരുണാകര പൂർണചന്ദ്രതുണ്ഡ.
ജയജയ ജഗദീശ ശാസിതാണ്ഡ ജയരിപുഖണ്ഡ വഖണ്ഡ ചാരുഖണ്ഡ.