அத த்ருʼதீயோ(அ)த்யாய꞉ .
கர்மயோக꞉ .

அர்ஜுன உவாச -

ஜ்யாயஸீ சேத்கர்மணஸ்தே மதா புத்திர்ஜனார்தன .
தத்கிம்ʼ கர்மணி கோரே மாம்ʼ நியோஜயஸி கேஶவ ..

வ்யாமிஶ்ரேணேவ வாக்யேன புத்திம்ʼ மோஹயஸீவ மே .
ததேகம்ʼ வத நிஶ்சித்ய யேன ஶ்ரேயோ(அ)ஹமாப்னுயாம் ..

ஶ்ரீபகவானுவாச -

லோகே(அ)ஸ்மின் த்விவிதா நிஷ்டா புரா ப்ரோக்தா மயானக .
ஜ்ஞானயோகேன ஸாங்க்யானாம்ʼ கர்மயோகேன யோகினாம் ..

ந கர்மணாமனாரம்பாந்நைஷ்கர்ம்யம்ʼ புருஷோ(அ)ஶ்னுதே .
ந ச ஸம்ʼந்யஸநாதேவ ஸித்திம்ʼ ஸமதிகச்சதி ..

ந ஹி கஶ்சித்க்ஷணமபி ஜாது திஷ்டத்யகர்மக்ருʼத் .
கார்யதே ஹ்யவஶ꞉ கர்ம ஸர்வ꞉ ப்ரக்ருʼதிஜைர்குணை꞉ ..

கர்மேந்த்ரியாணி ஸம்ʼயம்ய ய ஆஸ்தே மனஸா ஸ்மரன் .
இந்த்ரியார்தான்விமூடாத்மா மித்யாசார꞉ ஸ உச்யதே ..

யஸ்த்விந்த்ரியாணி மனஸா நியம்யாரபதே(அ)ர்ஜுன .
கர்மேந்த்ரியை꞉ கர்மயோகமஸக்த꞉ ஸ விஶிஷ்யதே ..

நியதம்ʼ குரு கர்ம த்வம்ʼ கர்ம ஜ்யாயோ ஹ்யகர்மண꞉ .
ஶரீரயாத்ராபி ச தே ந ப்ரஸித்த்யேதகர்மண꞉ ..

யஜ்ஞார்தாத்கர்மணோ(அ)ன்யத்ர லோகோ(அ)யம்ʼ கர்மபந்தன꞉ .
ததர்தம்ʼ கர்ம கௌந்தேய முக்தஸங்க꞉ ஸமாசர ..

ஸஹயஜ்ஞா꞉ ப்ரஜா꞉ ஸ்ருʼஷ்ட்வா புரோவாச ப்ரஜாபதி꞉ .
அனேன ப்ரஸவிஷ்யத்வமேஷ வோ(அ)ஸ்த்விஷ்டகாமதுக் ..

தேவான்பாவயதானேன தே தேவா பாவயந்து வ꞉ .
பரஸ்பரம்ʼ பாவயந்த꞉ ஶ்ரேய꞉ பரமவாப்ஸ்யத ..

இஷ்டான்போகான்ஹி வோ தேவா தாஸ்யந்தே யஜ்ஞபாவிதா꞉ .
தைர்தத்தானப்ரதாயைப்யோ யோ புங்க்தே ஸ்தேன ஏவ ஸ꞉ ..

யஜ்ஞஶிஷ்டாஶின꞉ ஸந்தோ முச்யந்தே ஸர்வகில்பிஷை꞉ .
புஞ்ஜதே தே த்வகம்ʼ பாபா யே பசந்த்யாத்மகாரணாத் ..

அந்நாத்பவந்தி பூதானி பர்ஜன்யாதன்னஸம்பவ꞉ .
யஜ்ஞாத்பவதி பர்ஜன்யோ யஜ்ஞ꞉ கர்மஸமுத்பவ꞉ ..

கர்ம ப்ரஹ்மோத்பவம்ʼ வித்தி ப்ரஹ்மாக்ஷரஸமுத்பவம் .
தஸ்மாத்ஸர்வகதம்ʼ ப்ரஹ்ம நித்யம்ʼ யஜ்ஞே ப்ரதிஷ்டிதம் ..

ஏவம்ʼ ப்ரவர்திதம்ʼ சக்ரம்ʼ நானுவர்தயதீஹ ய꞉ .
அகாயுரிந்த்ரியாராமோ மோகம்ʼ பார்த ஸ ஜீவதி ..

யஸ்த்வாத்மரதிரேவ ஸ்யாதாத்மத்ருʼப்தஶ்ச மானவ꞉ .
ஆத்மன்யேவ ச ஸந்துஷ்டஸ்தஸ்ய கார்யம்ʼ ந வித்யதே ..

நைவ தஸ்ய க்ருʼதேனார்தோ நாக்ருʼதேனேஹ கஶ்சன .
ந சாஸ்ய ஸர்வபூதேஷு கஶ்சிதர்தவ்யபாஶ்ரய꞉ ..

தஸ்மாதஸக்த꞉ ஸததம்ʼ கார்யம்ʼ கர்ம ஸமாசர .
அஸக்தோ ஹ்யாசரன்கர்ம பரமாப்னோதி பூருஷ꞉ ..

கர்மணைவ ஹி ஸம்ʼஸித்திமாஸ்திதா ஜனகாதய꞉ .
லோகஸங்க்ரஹமேவாபி ஸம்பஶ்யன்கர்துமர்ஹஸி ..

யத்யதாசரதி ஶ்ரேஷ்டஸ்தத்ததேவேதரோ ஜன꞉ .
ஸ யத்ப்ரமாணம்ʼ குருதே லோகஸ்ததனுவர்ததே ..

ந மே பார்தாஸ்தி கர்தவ்யம்ʼ த்ரிஷு லோகேஷு கிஞ்சன .
நானவாப்தமவாப்தவ்யம்ʼ வர்த ஏவ ச கர்மணி ..

யதி ஹ்யஹம்ʼ ந வர்தேயம்ʼ ஜாது கர்மண்யதந்த்ரித꞉ .
மம வர்த்மானுவர்தந்தே மனுஷ்யா꞉ பார்த ஸர்வஶ꞉ ..

உத்ஸீதேயுரிமே லோகா ந குர்யாம்ʼ கர்ம சேதஹம் .
ஸங்கரஸ்ய ச கர்தா ஸ்யாமுபஹன்யாமிமா꞉ ப்ரஜா꞉ ..

ஸக்தா꞉ கர்மண்யவித்வாம்ʼஸோ யதா குர்வந்தி பாரத .
குர்யாத்வித்வாம்ʼஸ்ததாஸக்தஶ்சிகீர்ஷுர்லோகஸங்க்ரஹம் ..

ந புத்திபேதம்ʼ ஜனயேதஜ்ஞானாம்ʼ கர்மஸங்கினாம் .
ஜோஷயேத்ஸர்வகர்மாணி வித்வான்யுக்த꞉ ஸமாசரன் ..

ப்ரக்ருʼதே꞉ க்ரியமாணானி குணை꞉ கர்மாணி ஸர்வஶ꞉ .
அஹங்காரவிமூடாத்மா கர்தாஹமிதி மன்யதே ..

தத்த்வவித்து மஹாபாஹோ குணகர்மவிபாகயோ꞉ .
குணா குணேஷு வர்தந்த இதி மத்வா ந ஸஜ்ஜதே ..

ப்ரக்ருʼதேர்குணஸம்மூடா꞉ ஸஜ்ஜந்தே குணகர்மஸு .
தானக்ருʼத்ஸ்னவிதோ மந்தான்க்ருʼத்ஸ்னவின்ன விசாலயேத் ..

மயி ஸர்வாணி கர்மாணி ஸம்ʼந்யஸ்யாத்யாத்மசேதஸா .
நிராஶீர்நிர்மமோ பூத்வா யுத்யஸ்வ விகதஜ்வர꞉ ..

யே மே மதமிதம்ʼ நித்யமனுதிஷ்டந்தி மானவா꞉ .
ஶ்ரத்தாவந்தோ(அ)னஸூயந்தோ முச்யந்தே தே(அ)பி கர்மபி꞉ ..

யே த்வேததப்யஸூயந்தோ நானுதிஷ்டந்தி மே மதம் .
ஸர்வஜ்ஞானவிமூடாம்ʼஸ்தான்வித்தி நஷ்டானசேதஸ꞉ ..

ஸத்ருʼஶம்ʼ சேஷ்டதே ஸ்வஸ்யா꞉ ப்ரக்ருʼதேர்ஜ்ஞானவானபி .
ப்ரக்ருʼதிம்ʼ யாந்தி பூதானி நிக்ரஹ꞉ கிம்ʼ கரிஷ்யதி ..

இந்த்ரியஸ்யேந்த்ரியஸ்யார்தே ராகத்வேஷௌ வ்யவஸ்திதௌ .
தயோர்ன வஶமாகச்சேத்தௌ ஹ்யஸ்ய பரிபந்தினௌ ..

ஶ்ரேயான்ஸ்வதர்மோ விகுண꞉ பரதர்மாத்ஸ்வனுஷ்டிதாத் .
ஸ்வதர்மே நிதனம்ʼ ஶ்ரேய꞉ பரதர்மோ பயாவஹ꞉ ..

அர்ஜுன உவாச -

அத கேன ப்ரயுக்தோ(அ)யம்ʼ பாபம்ʼ சரதி பூருஷ꞉ .
அனிச்சன்னபி வார்ஷ்ணேய பலாதிவ நியோஜித꞉ ..

ஶ்ரீபகவானுவாச -

காம ஏஷ க்ரோத ஏஷ ரஜோகுணஸமுத்பவ꞉ .
மஹாஶனோ மஹாபாப்மா வித்த்யேனமிஹ வைரிணம் ..

தூமேனாவ்ரியதே வஹ்நிர்யதாதர்ஶோ மலேன ச .
யதோல்பேனாவ்ருʼதோ கர்பஸ்ததா தேனேதமாவ்ருʼதம் ..

ஆவ்ருʼதம்ʼ ஜ்ஞானமேதேன ஜ்ஞானினோ நித்யவைரிணா .
காமரூபேண கௌந்தேய துஷ்பூரேணானலேன ச ..

இந்த்ரியாணி மனோ புத்திரஸ்யாதிஷ்டானமுச்யதே .
ஏதைர்விமோஹயத்யேஷ ஜ்ஞானமாவ்ருʼத்ய தேஹினம் ..

தஸ்மாத்த்வமிந்த்ரியாண்யாதௌ நியம்ய பரதர்ஷப .
பாப்மானம்ʼ ப்ரஜஹி ஹ்யேனம்ʼ ஜ்ஞானவிஜ்ஞானநாஶனம் ..

இந்த்ரியாணி பராண்யாஹுரிந்த்ரியேப்ய꞉ பரம்ʼ மன꞉ .
மனஸஸ்து பரா புத்திர்யோ புத்தே꞉ பரதஸ்து ஸ꞉ ..

ஏவம்ʼ புத்தே꞉ பரம்ʼ புத்த்வா ஸம்ʼஸ்தப்யாத்மானமாத்மனா .
ஜஹி ஶத்ரும்ʼ மஹாபாஹோ காமரூபம்ʼ துராஸதம் ..

ௐ தத்ஸதிதி ஶ்ரீமத்பகவத்கீதோபநிஷத்ஸு
ப்ரஹ்மவித்யாயாம்ʼ யோகஶாஸ்த்ரே ஶ்ரீக்ருʼஷ்ணார்ஜுனஸம்ʼவாதே
கர்மயோகோ நாம த்ருʼதீயோ(அ)த்யாய꞉ ..

Ramaswamy Sastry and Vighnesh Ghanapaathi