पञ्चाक्षरप्रिय विरिञ्चादिपूजित परञ्ज्योतिरूपभगवन्
पञ्चाद्रिवास शिखिपिञ्छावतंस जयवाञ्छानुकूलवरद ।
पञ्चास्यवाह मणिकाञ्ची गुणाञ्छित सुमञ्जीर मञ्जुलपद
पञ्चास्त्रकोटिरुचिरञ्जीकृताङ्ग सुरसञ्जीवनप्रद विभो ॥ १॥

लीलावतार मणिमालाकलाप शरशूलायुधोज्ज्वलकर
शैलाग्रवास मृगलीलामदालस कलाधीश चारुवदन ।
हालास्यनाथ पदलोलस्यपाण्ड्यनरपालस्य बालवरद
श्रीलास्यदेवतरुमूलाधिवास जगदालम्बपासयविभो ॥ २॥

नृत्ताभिमोद निजभक्तानुमोद विलसत्तार केशवदन
सत्तापसार्चित समस्तान्तरस्थित विशुद्धात्मबोधजनक ।
चित्ताभिरम्य जगदोद्धारशक्तिधर शार्दूलदुग्धहरण
मुग्धाङ्गराग मणियुक्तप्रभारमण नित्यं नमोऽस्तु भगवन् ॥ ३॥

वेतालभूतगणनाथा विनोदसुरगीताभिमानचरिता
पातालनाकवसुधाधार पाण्ड्यसुत चेतोविमोहनकर ।
वेदागमादिनुतपादादिकेश जगदाधार भूतशरण
वीतामयात्मसुखबोधा विभूतिधर नाथा नमोऽस्तुभगवन् ॥ ४॥

मन्दारकुन्दकुरुविन्दारविन्द सुमवृन्दादिहार सुषम
वृन्दारकेन्द्रमुनिवृन्दाभिवन्द्यपदः वन्दारुचिन्तितकर ।
कन्दर्प सुन्दरसुगन्धानुलेप भवसन्तापशान्तिदविभो
सन्तानदायक परन्धाम पाहिसुरबन्धो हरीशतनय ॥ ५॥

धाराधराभ मणिहारावलीवलय हीराङ्गदातिरुचिर
धीरावतंस घनसारादि भूतपरिवाराभिरम्यचरित ।
घोरारिमर्दन सदारामनर्तन विहार त्रिलोक शरण
ताराधिनाथमुख माराभिराम जय वीरासनस्थितविभो ॥ ६॥

ज्ञानाभिगम्य सुरगानाभिरम्य भवदीनावनैक निपुण
ज्ञानस्वरूप परमानन्दचिन्मय जगन्नाथ भूतशरण ।
नानामृगेन्द्रमृगयानन्द पाण्ड्यहृदयानन्दनन्दन विभो
सूनायुधाञ्चितसमानाङ्ग पाहिसुरसेनासमूहभरण ॥ ७॥

वेदान्तसार विबुधाद्धार वेत्रधर पादारविन्द शरणं
भूताधिनाथ पुरुहूतादि पूजित किरातावतार शरणम् ।
आधारभूत रिपुबाधाविमोचन सुराधारनाथ शरणं
नादान्तरङ्ग गुरुनाथानतार्त्तिहर गीताभिमोद शरणम् ॥ ८॥

panchaaksharapriya virinchaadipoojita paranjyotiroopabhagavan
panchaadrivaasa shikhipinchhaavatam'sa jayavaanchhaanukoolavarada .
panchaasyavaaha manikaanchee gunaanchhita sumanjeera manjulapada
panchaastrakot'iruchiranjeekri'taanga surasanjeevanaprada vibho .. 1..

leelaavataara manimaalaakalaapa sharashoolaayudhojjvalakara
shailaagravaasa mri'galeelaamadaalasa kalaadheesha chaaruvadana .
haalaasyanaatha padalolasyapaand'yanarapaalasya baalavarada
shreelaasyadevatarumoolaadhivaasa jagadaalambapaasayavibho .. 2..

nri'ttaabhimoda nijabhaktaanumoda vilasattaara keshavadana
sattaapasaarchita samastaantarasthita vishuddhaatmabodhajanaka .
chittaabhiramya jagadoddhaarashaktidhara shaardooladugdhaharana
mugdhaangaraaga maniyuktaprabhaaramana nityam' namo'stu bhagavan .. 3..

vetaalabhootagananaathaa vinodasurageetaabhimaanacharitaa
paataalanaakavasudhaadhaara paand'yasuta chetovimohanakara .
vedaagamaadinutapaadaadikesha jagadaadhaara bhootasharana
veetaamayaatmasukhabodhaa vibhootidhara naathaa namo'stubhagavan .. 4..

mandaarakundakuruvindaaravinda sumavri'ndaadihaara sushama
vri'ndaarakendramunivri'ndaabhivandyapadah' vandaaruchintitakara .
kandarpa sundarasugandhaanulepa bhavasantaapashaantidavibho
santaanadaayaka parandhaama paahisurabandho hareeshatanaya .. 5..

dhaaraadharaabha manihaaraavaleevalaya heeraangadaatiruchira
dheeraavatam'sa ghanasaaraadi bhootaparivaaraabhiramyacharita .
ghoraarimardana sadaaraamanartana vihaara triloka sharana
taaraadhinaathamukha maaraabhiraama jaya veeraasanasthitavibho .. 6..

jnyaanaabhigamya suragaanaabhiramya bhavadeenaavanaika nipuna
jnyaanasvaroopa paramaanandachinmaya jagannaatha bhootasharana .
naanaamri'gendramri'gayaananda paand'yahri'dayaanandanandana vibho
soonaayudhaanchitasamaanaanga paahisurasenaasamoohabharana .. 7..

vedaantasaara vibudhaaddhaara vetradhara paadaaravinda sharanam'
bhootaadhinaatha puruhootaadi poojita kiraataavataara sharanam .
aadhaarabhoota ripubaadhaavimochana suraadhaaranaatha sharanam'
naadaantaranga gurunaathaanataarttihara geetaabhimoda sharanam .. 8..

Ramaswamy Sastry and Vighnesh Ghanapaathi