భూతనాథ స్తోత్రం

పంచాక్షరప్రియ విరించాదిపూజిత పరంజ్యోతిరూపభగవన్
పంచాద్రివాస శిఖిపింఛావతంస జయవాంఛానుకూలవరద .
పంచాస్యవాహ మణికాంచీ గుణాంఛిత సుమంజీర మంజులపద
పంచాస్త్రకోటిరుచిరంజీకృతాంగ సురసంజీవనప్రద విభో .. 1..

లీలావతార మణిమాలాకలాప శరశూలాయుధోజ్జ్వలకర
శైలాగ్రవాస మృగలీలామదాలస కలాధీశ చారువదన .
హాలాస్యనాథ పదలోలస్యపాండ్యనరపాలస్య బాలవరద
శ్రీలాస్యదేవతరుమూలాధివాస జగదాలంబపాసయవిభో .. 2..

నృత్తాభిమోద నిజభక్తానుమోద విలసత్తార కేశవదన
సత్తాపసార్చిత సమస్తాంతరస్థిత విశుద్ధాత్మబోధజనక .
చిత్తాభిరమ్య జగదోద్ధారశక్తిధర శార్దూలదుగ్ధహరణ
ముగ్ధాంగరాగ మణియుక్తప్రభారమణ నిత్యం నమోఽస్తు భగవన్ .. 3..

వేతాలభూతగణనాథా వినోదసురగీతాభిమానచరితా
పాతాలనాకవసుధాధార పాండ్యసుత చేతోవిమోహనకర .
వేదాగమాదినుతపాదాదికేశ జగదాధార భూతశరణ
వీతామయాత్మసుఖబోధా విభూతిధర నాథా నమోఽస్తుభగవన్ .. 4..

మందారకుందకురువిందారవింద సుమవృందాదిహార సుషమ
వృందారకేంద్రమునివృందాభివంద్యపదః వందారుచింతితకర .
కందర్ప సుందరసుగంధానులేప భవసంతాపశాంతిదవిభో
సంతానదాయక పరంధామ పాహిసురబంధో హరీశతనయ .. 5..

ధారాధరాభ మణిహారావలీవలయ హీరాంగదాతిరుచిర
ధీరావతంస ఘనసారాది భూతపరివారాభిరమ్యచరిత .
ఘోరారిమర్దన సదారామనర్తన విహార త్రిలోక శరణ
తారాధినాథముఖ మారాభిరామ జయ వీరాసనస్థితవిభో .. 6..

జ్ఞానాభిగమ్య సురగానాభిరమ్య భవదీనావనైక నిపుణ
జ్ఞానస్వరూప పరమానందచిన్మయ జగన్నాథ భూతశరణ .
నానామృగేంద్రమృగయానంద పాండ్యహృదయానందనందన విభో
సూనాయుధాంచితసమానాంగ పాహిసురసేనాసమూహభరణ .. 7..

వేదాంతసార విబుధాద్ధార వేత్రధర పాదారవింద శరణం
భూతాధినాథ పురుహూతాది పూజిత కిరాతావతార శరణం .
ఆధారభూత రిపుబాధావిమోచన సురాధారనాథ శరణం
నాదాంతరంగ గురునాథానతార్త్తిహర గీతాభిమోద శరణం .. 8..

Ramaswamy Sastry and Vighnesh Ghanapaathi

Other stotras