మహాశాస్తా అష్టక స్తోత్రం

గజేంద్రశార్దూలమృగేంద్రవాహనం
మునీంద్రసంసేవితపాదపంకజం .
దేవీద్వయేనావృతపార్శ్వయుగ్మం
శాస్తారమాద్యం సతతం నమామి ..

హరిహరభవమేకం సచ్చిదానందరూపం
భవభయహరపాదం భావనాగమ్యమూర్తిం .
సకలభువనహేతుం సత్యధర్మానుకూలం
శ్రితజనకులపాలం ధర్మశాస్తారమీడే ..

హరిహరసుతమీశం వీరవర్యం సురేశం
కలియుగభవభీతిధ్వంసలీలావతారం .
జయవిజయలక్ష్మీ సుసంసృతాజానుబాహుం
మలయగిరినివాసం ధర్మశాస్తారమీడే ..

పరశివమయమీడ్యం భూతనాథం మునీంద్రం
కరధృతవికచాబ్జం బ్రహ్మపంచస్వరూపం .
మణిమయసుకిరీటం మల్లికాపుష్పహారం
వరవితరణశీలం ధర్మశాస్తారమీడే ..

హరిహరమయమాయ బింబమాదిత్యకోటి-
త్విషమమలముఖేందుం సత్యసంధం వరేణ్యం .
ఉపనిషదవిభావ్యం ఓంఇతిధ్యానగమ్యం
మునిజనహృది చింత్యం ధర్మశాస్తారమీడే ..

కనకమయదుకూలం చందనార్ద్రావసిక్తం
సరసమృదులహాసం బ్రాహ్మణానందకారం .
మధురసమయపాణిం మారజీవాతులీలం
సకలదురితనాశం ధర్మశాస్తారమీడే ..

మునిజనగణసేవ్యం ముక్తిసామ్రాజ్యమూలం
విదితసకలతత్వజ్ఞానమంత్రోపదేశం .
ఇహపరఫలహేతుం తారకం బ్రహ్మసంజ్ఞం
షడరిమలవినాశం ధర్మశాస్తారమీడే ..

మధురసఫలముఖ్యైః పాయసైర్భక్ష్యజాలైః
దధిఘృతపరిపూర్ణైరన్నదానైస్సంతుష్టం .
నిజపదనమితానాం నిత్యవాత్సల్యభావం
హృదయకమలమధ్యే ధర్మశాస్తారమీడే ..

భవగుణజనితానాం భోగమోక్షాయ నిత్యం
హరిహరభవదేవస్యాష్టకం సన్నిధౌ యః .
పఠతి సకలభోగాన్ ముక్తిసామ్రాజ్యభాగ్యే
భువి దివి ఖలు తస్మై నిత్యతుష్టో దదాతి ..