माङ्गल्यानां त्वमसि जननी देवि दुर्गे नमस्ते
दौर्बल्यानां सबलहरणी भक्तिमाल्यैर्वरेण्या ।
त्वं शल्यानां समुपशमनी शैलजा शूलहस्ते
वात्सल्यानां मधुरझरणा देहि भद्रं शरण्या ॥

त्वं गायत्री निखिलजगतामन्नपूर्णा प्रसन्ना
मेधा विद्या त्वमसि शुभदा शाम्भवी शक्तिराद्या ।
मर्त्त्ये लोके सकलकलुषं नाशय स्वीयधाम्ना
सिंहासीना कुरु सुकरुणां शङ्करी विश्ववन्द्या ॥

संसारश्रीर्जनय सुखदां भावनां सुप्रकाशां
शं शर्वाणी वितर तमसां ध्वंसिनी पावनी त्वम् ।
पापाचारैः प्रबलमथितां दुष्टदैत्यैर्निराशां
पृथ्वीमार्त्तां व्यथितहृदयां त्राहि कात्यायनी त्वम् ॥

रुद्राणी त्वं वितर सुभगं मातृका सन्मतीनां
शान्तिर्धर्मः प्रसरतु जने त्वत्प्रसादैः शिवानि ।
घोरा काली भव कलियुगे घातिनी दुर्गतीनां
त्वं भक्तानामभयवरदा भीममूर्त्तिर्भवानि ॥

वन्दे मातस्तव सुविमलं पादराजत्सरोजं
दुर्गे दुःखं हर दशभुजा देहि सानन्दमोजम् ।
त्वं पद्मास्या हसितमधुरं सौरभं तन्वती स्वं
मोहस्तोमं हर सुमनसां पूजिता पाहि विश्वम् ॥

maangalyaanaam' tvamasi jananee devi durge namaste
daurbalyaanaam' sabalaharanee bhaktimaalyairvarenyaa .
tvam' shalyaanaam' samupashamanee shailajaa shoolahaste
vaatsalyaanaam' madhurajharanaa dehi bhadram' sharanyaa ..

tvam' gaayatree nikhilajagataamannapoornaa prasannaa
medhaa vidyaa tvamasi shubhadaa shaambhavee shaktiraadyaa .
marttye loke sakalakalusham' naashaya sveeyadhaamnaa
sim'haaseenaa kuru sukarunaam' shankaree vishvavandyaa ..

sam'saarashreerjanaya sukhadaam' bhaavanaam' suprakaashaam'
sham' sharvaanee vitara tamasaam' dhvam'sinee paavanee tvam .
paapaachaaraih' prabalamathitaam' dusht'adaityairniraashaam'
pri'thveemaarttaam' vyathitahri'dayaam' traahi kaatyaayanee tvam ..

rudraanee tvam' vitara subhagam' maatri'kaa sanmateenaam'
shaantirdharmah' prasaratu jane tvatprasaadaih' shivaani .
ghoraa kaalee bhava kaliyuge ghaatinee durgateenaam'
tvam' bhaktaanaamabhayavaradaa bheemamoorttirbhavaani ..

vande maatastava suvimalam' paadaraajatsarojam'
durge duh'kham' hara dashabhujaa dehi saanandamojam .
tvam' padmaasyaa hasitamadhuram' saurabham' tanvatee svam'
mohastomam' hara sumanasaam' poojitaa paahi vishvam ..

Ramaswamy Sastry and Vighnesh Ghanapaathi