अलकावृतलसदलिके विरचितकस्तूरिकातिलके ।
चपलयशोदाबाले शोभितभाले मतिर्मेऽस्तु ॥

मुखरितनूपुरचरणे कटिबद्धक्षुद्रघण्टिकावरणे ।
द्वीपिकरजकृतभूषणभूषितहृदये मतिर्मेऽस्तु ॥

करधृतनवनवनीते हितकृतजननीविभीषिकाभिते ।
रतिमुद्वहताच्चेतो गोपीभिर्वश्यतां नीते ॥

बालदशामतिमुग्धे चोरितदुग्धे व्रजाङ्गनाभवनात् ।
तदुपालम्भवचोभयविभ्रमनयने मतिर्मेऽस्तु ॥

व्रजकर्दमलिप्ताङ्गे स्वरूपसुषमाजितानङ्गे ।
कृतनन्दाङ्गणरिङ्गण विविधविहारे मतिर्मेऽस्तु ॥

करवरधृतलघुलकुटे विचित्रमायूरचन्द्रिकामुकुटे ।
नासागतमुक्तामणिजटितविभूषे मतिर्मेऽस्तु ॥

अभिनन्दनकृतनृत्ये विरचितनिजगोपिकाकृत्ये ।
आनन्दितनिजभृत्ये प्रहसनमुदिते मतिर्मेऽस्तु ॥

कामादपि कमनीये नमनीये ब्रह्मरुद्राद्यैः ।
निःसाधवभजनीये भावतनौ मे मतिर्भूयात् ॥

alakaavri'talasadalike virachitakastoorikaatilake .
chapalayashodaabaale shobhitabhaale matirme'stu ..

mukharitanoopuracharane kat'ibaddhakshudraghant'ikaavarane .
dveepikarajakri'tabhooshanabhooshitahri'daye matirme'stu ..

karadhri'tanavanavaneete hitakri'tajananeevibheeshikaabhite .
ratimudvahataachcheto gopeebhirvashyataam' neete ..

baaladashaamatimugdhe choritadugdhe vrajaanganaabhavanaat .
tadupaalambhavachobhayavibhramanayane matirme'stu ..

vrajakardamaliptaange svaroopasushamaajitaanange .
kri'tanandaanganaringana vividhavihaare matirme'stu ..

karavaradhri'talaghulakut'e vichitramaayoorachandrikaamukut'e .
naasaagatamuktaamanijat'itavibhooshe matirme'stu ..

abhinandanakri'tanri'tye virachitanijagopikaakri'tye .
aananditanijabhri'tye prahasanamudite matirme'stu ..

kaamaadapi kamaneeye namaneeye brahmarudraadyaih' .
nih'saadhavabhajaneeye bhaavatanau me matirbhooyaat ..

Ramaswamy Sastry and Vighnesh Ghanapaathi