शरच्चन्द्रवक्त्रां लसत्पद्महस्तां सरोजाभनेत्रां स्फुरद्रत्नमौलिम् ।
घनाकारवेणीं निराकारवृत्तिं भजे शारदां वासरापीठवासाम् ॥

धराभारपोषां सुरानीकवन्द्यां मृणालीलसद्बाहुकेयूरयुक्ताम् ।
त्रिलोकैकसाक्षीमुदारस्तनाढ्यां भजे शारदां वासरापीठवासाम् ॥

दुरासारसंसारतीर्थाङ्घ्रिपोतां क्वणत्स्वर्णमाणिक्यहाराभिरामाम् ।
शरच्चन्द्रिकाधौतवासोलसन्तीं भजे शारदां वासरापीठवासाम् ॥

विरिञ्चीन्द्रविष्ण्वादियोगीन्द्र पूज्यां प्रसन्नां विपन्नार्तिनाशां शरण्याम् ।
त्रिलोकाधिनाथाधिनाथां त्रिशून्यां भजे शारदां वासरापीठवासाम् ॥

अनन्तामगम्यामनाद्यामभाव्यामभेद्यामदाह्यामलेप्यामरूपाम् ।
अशोष्यामसङ्गामदेहामवाच्यां भजे शारदां वासरापीठवासाम् ॥

मनोवागतीतामनाम्नीमखण्डामभिन्नात्मिकामद्वयां स्वप्रकाशाम् ।
चिदानन्दकन्दां परञ्ज्योतिरूपां भजे शारदां वासरापीठवासाम् ॥

सदानन्दरूपां शुभायोगरूपामशेषात्मिकां निर्गुणां निर्विकाराम् ।
महावाक्यवेद्यां विचारप्रसङ्गां भजे शारदां वासरापीठवासाम् ॥

sharachchandravaktraam' lasatpadmahastaam' sarojaabhanetraam' sphuradratnamaulim .
ghanaakaaraveneem' niraakaaravri'ttim' bhaje shaaradaam' vaasaraapeet'havaasaam ..

dharaabhaaraposhaam' suraaneekavandyaam' mri'naaleelasadbaahukeyoorayuktaam .
trilokaikasaaksheemudaarastanaad'hyaam' bhaje shaaradaam' vaasaraapeet'havaasaam ..

duraasaarasam'saarateerthaanghripotaam' kvanatsvarnamaanikyahaaraabhiraamaam .
sharachchandrikaadhautavaasolasanteem' bhaje shaaradaam' vaasaraapeet'havaasaam ..

virincheendravishnvaadiyogeendra poojyaam' prasannaam' vipannaartinaashaam' sharanyaam .
trilokaadhinaathaadhinaathaam' trishoonyaam' bhaje shaaradaam' vaasaraapeet'havaasaam ..

anantaamagamyaamanaadyaamabhaavyaamabhedyaamadaahyaamalepyaamaroopaam .
ashoshyaamasangaamadehaamavaachyaam' bhaje shaaradaam' vaasaraapeet'havaasaam ..

manovaagateetaamanaamneemakhand'aamabhinnaatmikaamadvayaam' svaprakaashaam .
chidaanandakandaam' paranjyotiroopaam' bhaje shaaradaam' vaasaraapeet'havaasaam ..

sadaanandaroopaam' shubhaayogaroopaamasheshaatmikaam' nirgunaam' nirvikaaraam .
mahaavaakyavedyaam' vichaaraprasangaam' bhaje shaaradaam' vaasaraapeet'havaasaam ..

Ramaswamy Sastry and Vighnesh Ghanapaathi