वरदाप्यहेतुकरुणाजन्मावनिरपि पयोजभवजाये ।
किं कुरुषेन कृपां मयि वद वद वाग्वादिनि स्वाहा ॥

किं वा ममास्ति महती पापततिस्तत्प्रभेदने तरसा ।
किं वा न तेऽस्ति शक्तिर्वद वद वाग्वादिनि स्वाहा ॥

किं जीवः परमशिवाद्भिन्नोऽभिन्नोऽथ भेदश्च ।
औपाधिकः स्वतो वा वद वदवाग्वादिनि स्वाहा ॥

वियदादिकं जगदिदं सर्वं मिथ्याऽथवा सत्यम् ।
मिथ्यात्वधीः कथं स्याद्वद वद वाग्वादिनि स्वाहा ॥

ज्ञानं कर्म च मिलितं हेतुर्मोक्षेऽथवा ज्ञानम् ।
तज्ज्ञानं केन भवेद्वद वदवाग्वादिनि स्वाहा ॥

ज्ञानं विचारसाध्यं किं वा योगेन कर्मसाहस्रैः ।
कीदृक्सोऽपि विचारो वद वद वाग्वादिनि स्वाहा ॥

varadaapyahetukarunaajanmaavanirapi payojabhavajaaye .
kim' kurushena kri'paam' mayi vada vada vaagvaadini svaahaa ..

kim' vaa mamaasti mahatee paapatatistatprabhedane tarasaa .
kim' vaa na te'sti shaktirvada vada vaagvaadini svaahaa ..

kim' jeevah' paramashivaadbhinno'bhinno'tha bhedashcha .
aupaadhikah' svato vaa vada vadavaagvaadini svaahaa ..

viyadaadikam' jagadidam' sarvam' mithyaa'thavaa satyam .
mithyaatvadheeh' katham' syaadvada vada vaagvaadini svaahaa ..

jnyaanam' karma cha militam' heturmokshe'thavaa jnyaanam .
tajjnyaanam' kena bhavedvada vadavaagvaadini svaahaa ..

jnyaanam' vichaarasaadhyam' kim' vaa yogena karmasaahasraih' .
keedri'kso'pi vichaaro vada vada vaagvaadini svaahaa ..

Ramaswamy Sastry and Vighnesh Ghanapaathi