वेणीं सितेतरसमीरणभोजितुल्यां
वाणीं च केकिकुलगर्वहरां वहन्तीम् ।
श्रोणीं गिरिस्मयविभेदचणां दधानां
वाणीमनन्यशरणः शरणं प्रपद्ये ॥

वाचः प्रयत्नमनपेक्ष्य मुखारविन्दा-
द्वाताहताब्धिलहरीमदहारदक्षाः ।
वादेषु यत्करुणया प्रगलन्ति तां त्वां
वाणीमनन्यशरणः शरणं प्रपद्ये ॥

राकाशशाङ्कसदृशाननपङ्कजातां
शोकापहारचतुराङ्घ्रिसरोजपूजाम् ।
पाकारिमुख्यदिविषत्प्रवरेड्यमानां
वाणीमनन्यशरणः शरणं प्रपद्ये ॥

बालोडुपप्रविलसत्कचमध्यभागां
नीलोत्पलप्रतिभटाक्षिविराजमानाम् ।
कालोन्मिषत्किसलयारुणपादपद्मां
वाणीमनन्यशरणः शरणं प्रपद्ये ॥

veneem' sitetarasameeranabhojitulyaam'
vaaneem' cha kekikulagarvaharaam' vahanteem .
shroneem' girismayavibhedachanaam' dadhaanaam'
vaaneemananyasharanah' sharanam' prapadye ..

vaachah' prayatnamanapekshya mukhaaravindaa-
dvaataahataabdhilahareemadahaaradakshaah' .
vaadeshu yatkarunayaa pragalanti taam' tvaam'
vaaneemananyasharanah' sharanam' prapadye ..

raakaashashaankasadri'shaananapankajaataam'
shokaapahaarachaturaanghrisarojapoojaam .
paakaarimukhyadivishatpravared'yamaanaam'
vaaneemananyasharanah' sharanam' prapadye ..

baalod'upapravilasatkachamadhyabhaagaam'
neelotpalapratibhat'aakshiviraajamaanaam .
kaalonmishatkisalayaarunapaadapadmaam'
vaaneemananyasharanah' sharanam' prapadye ..

Ramaswamy Sastry and Vighnesh Ghanapaathi