लक्ष्मीनृसिंहललनां जगतोस्यनेत्रीं
मातृस्वभावमहितां हरितुल्यशीलाम् ।
लोकस्य मङ्गलकरीं रमणीयरूपां
पद्मालयां भगवतीं शरणं प्रपद्ये ॥
श्रीयादनामकमुनीन्द्रतपोविशेषात्
श्रीयादशैलशिखरे सततं प्रकाशौ ।
भक्तानुरागभरितौ भवरोगवैद्यौ
लक्ष्मीनृसिंहचरणौ शरणं प्रपद्ये ॥
देवस्वरूपविकृतावपिनैजरूपौ
सर्वोत्तरौ सुजनचारुनिषेव्यमानौ ।
सर्वस्य जीवनकरौ सदृशस्वरूपौ
लक्ष्मीनृसिंहचरणौ शरणं प्रपद्ये ॥
लक्ष्मीश ते प्रपदने सहकारभूतौ
त्वत्तोप्यति प्रियतमौ शरणागतानाम् ।
रक्षाविचक्षणपटू करुणालयौ श्री-
लक्ष्मीनृसिंह चरणौ शरणम् प्रपद्ये ॥
प्रह्लादपौत्रबलिदानवभूमिदान-
कालप्रकाशितनिजान्यजघन्यभावौ ।
लोकप्रमाणकरणौ शुभदौ सुरानां
लक्ष्मीनृसिंहचरणौ शरणं प्रपद्ये ॥
कायादवीयशुभमानसराजहंसौ
वेदान्तकल्पतरुपल्लवटल्लिजौतौ ।
सद्भक्तमूलधनमित्युदितप्रभावौ
लक्ष्मीनृसिंह चरणौ शरणं प्रपद्ये ॥

lakshmeenri'sim'halalanaam' jagatosyanetreem'
maatri'svabhaavamahitaam' haritulyasheelaam .
lokasya mangalakareem' ramaneeyaroopaam'
padmaalayaam' bhagavateem' sharanam' prapadye ..
shreeyaadanaamakamuneendratapovisheshaat
shreeyaadashailashikhare satatam' prakaashau .
bhaktaanuraagabharitau bhavarogavaidyau
lakshmeenri'sim'hacharanau sharanam' prapadye ..
devasvaroopavikri'taavapinaijaroopau
sarvottarau sujanachaarunishevyamaanau .
sarvasya jeevanakarau sadri'shasvaroopau
lakshmeenri'sim'hacharanau sharanam' prapadye ..
lakshmeesha te prapadane sahakaarabhootau
tvattopyati priyatamau sharanaagataanaam .
rakshaavichakshanapat'oo karunaalayau shree-
lakshmeenri'sim'ha charanau sharanam prapadye ..
prahlaadapautrabalidaanavabhoomidaana-
kaalaprakaashitanijaanyajaghanyabhaavau .
lokapramaanakaranau shubhadau suraanaam'
lakshmeenri'sim'hacharanau sharanam' prapadye ..
kaayaadaveeyashubhamaanasaraajaham'sau
vedaantakalpatarupallavat'allijautau .
sadbhaktamooladhanamityuditaprabhaavau
lakshmeenri'sim'ha charanau sharanam' prapadye ..

Ramaswamy Sastry and Vighnesh Ghanapaathi