ಲಕ್ಷ್ಮೀ ನರಸಿಂಹ ಶರಣಾಗತಿ ಸ್ತೋತ್ರ

ಲಕ್ಷ್ಮೀನೃಸಿಂಹಲಲನಾಂ ಜಗತೋಸ್ಯನೇತ್ರೀಂ
ಮಾತೃಸ್ವಭಾವಮಹಿತಾಂ ಹರಿತುಲ್ಯಶೀಲಾಂ .
ಲೋಕಸ್ಯ ಮಂಗಲಕರೀಂ ರಮಣೀಯರೂಪಾಂ
ಪದ್ಮಾಲಯಾಂ ಭಗವತೀಂ ಶರಣಂ ಪ್ರಪದ್ಯೇ ..
ಶ್ರೀಯಾದನಾಮಕಮುನೀಂದ್ರತಪೋವಿಶೇಷಾತ್
ಶ್ರೀಯಾದಶೈಲಶಿಖರೇ ಸತತಂ ಪ್ರಕಾಶೌ .
ಭಕ್ತಾನುರಾಗಭರಿತೌ ಭವರೋಗವೈದ್ಯೌ
ಲಕ್ಷ್ಮೀನೃಸಿಂಹಚರಣೌ ಶರಣಂ ಪ್ರಪದ್ಯೇ ..
ದೇವಸ್ವರೂಪವಿಕೃತಾವಪಿನೈಜರೂಪೌ
ಸರ್ವೋತ್ತರೌ ಸುಜನಚಾರುನಿಷೇವ್ಯಮಾನೌ .
ಸರ್ವಸ್ಯ ಜೀವನಕರೌ ಸದೃಶಸ್ವರೂಪೌ
ಲಕ್ಷ್ಮೀನೃಸಿಂಹಚರಣೌ ಶರಣಂ ಪ್ರಪದ್ಯೇ ..
ಲಕ್ಷ್ಮೀಶ ತೇ ಪ್ರಪದನೇ ಸಹಕಾರಭೂತೌ
ತ್ವತ್ತೋಪ್ಯತಿ ಪ್ರಿಯತಮೌ ಶರಣಾಗತಾನಾಂ .
ರಕ್ಷಾವಿಚಕ್ಷಣಪಟೂ ಕರುಣಾಲಯೌ ಶ್ರೀ-
ಲಕ್ಷ್ಮೀನೃಸಿಂಹ ಚರಣೌ ಶರಣಂ ಪ್ರಪದ್ಯೇ ..
ಪ್ರಹ್ಲಾದಪೌತ್ರಬಲಿದಾನವಭೂಮಿದಾನ-
ಕಾಲಪ್ರಕಾಶಿತನಿಜಾನ್ಯಜಘನ್ಯಭಾವೌ .
ಲೋಕಪ್ರಮಾಣಕರಣೌ ಶುಭದೌ ಸುರಾನಾಂ
ಲಕ್ಷ್ಮೀನೃಸಿಂಹಚರಣೌ ಶರಣಂ ಪ್ರಪದ್ಯೇ ..
ಕಾಯಾದವೀಯಶುಭಮಾನಸರಾಜಹಂಸೌ
ವೇದಾಂತಕಲ್ಪತರುಪಲ್ಲವಟಲ್ಲಿಜೌತೌ .
ಸದ್ಭಕ್ತಮೂಲಧನಮಿತ್ಯುದಿತಪ್ರಭಾವೌ
ಲಕ್ಷ್ಮೀನೃಸಿಂಹ ಚರಣೌ ಶರಣಂ ಪ್ರಪದ್ಯೇ ..

Ramaswamy Sastry and Vighnesh Ghanapaathi

Other stotras