या प्रज्ञा मोहरात्रिप्रबलरिपुचयध्वंसिनी मुक्तिदात्री
सानन्दाशाविधात्री मधुमयरुचिरा पावनी पातु भव्या।
सौजन्याम्भोजशोभा विलसतु विमला सर्वदा सर्वथाऽत्र
साम्यस्निग्धा विशुद्धा भवतु च वसुधा पुण्यवार्ताविमुग्धा।
या प्रज्ञा विश्वकाव्यामृतरसलहरीसारतत्त्वानुसन्धा
सद्भावानन्दकन्दा ह्यभयविभवदा साम्यधर्मानुबद्धा।
शुद्धाचारप्रदात्री निरुपमरुचिरा सत्यपूताऽनवद्या
कल्याणं सन्ततं सा वितरतु विमला शान्तिदा वेदविद्या।
या ज्ञानामृतमिष्टदं प्रददते या लोकरक्षाकरी ।
या चोदारसुशीलशान्तविमला या भक्तिसञ्चारिणी।
या गोवृन्दनियन्त्रणातिकुशला सा शारदा पातु नः।
गीतावद् गरकण्ठवद् गगनवद् गौराङ्गवद् गोपवत्।

yaa prajnyaa moharaatriprabalaripuchayadhvamsinee muktidaatree
saanandaashaavidhaatree madhumayaruchiraa paavanee paatu bhavyaa.
saujanyaambhojashobhaa vilasatu vimalaa sarvadaa sarvathaa'tra
saamyasnigdhaa vishuddhaa bhavatu cha vasudhaa punyavaartaavimugdhaa.
yaa prajnyaa vishvakaavyaamri'tarasalahareesaaratattvaanusandhaa
sadbhaavaanandakandaa hyabhayavibhavadaa saamyadharmaanubaddhaa.
shuddhaachaarapradaatree nirupamaruchiraa satyapootaa'navadyaa
kalyaanam santatam saa vitaratu vimalaa shaantidaa vedavidyaa.
yaa jnyaanaamri'tamisht'adam pradadate yaa lokarakshaakaree .
yaa chodaarasusheelashaantavimalaa yaa bhaktisanchaarinee.
yaa govri'ndaniyantranaatikushalaa saa shaaradaa paatu nah'.
geetaavad garakant'havad gaganavad gauraangavad gopavat.

Ramaswamy Sastry and Vighnesh Ghanapaathi