प्रातः स्मरामि गणनाथमुखारविन्दं
नेत्रत्रयं मदसुगन्धितगण्डयुग्मम्।
शुण्डञ्च रत्नघटमण्डितमेकदन्तं
ध्यानेन चिन्तितफलं वितरन्नमीक्ष्णम्।
प्रातः स्मरामि गणनाथभुजानशेषा-
नब्जादिभिर्विलसितान् लसिताङ्गदैश्च।
उद्दण्डविघ्नपरिखण्डन- चण्डदण्डान्
वाञ्छाधिकं प्रतिदिनं वरदानदक्षान्।
प्रातः स्मरामि गणनाथविशालदेहं
सिन्दूरपुञ्जपरिरञ्जित- कान्तिकान्तम्।
मुक्ताफलैर्मणि- गणैर्लसितं समन्तात्
श्लिष्टं मुदा दयितया किल सिद्धलक्ष्म्या।
प्रातः स्तुवे गणपतिं गणराजराजं
मोदप्रमोदसुमुखादि- गणैश्च जुष्टम्।
शक्त्यष्टभिर्विलसितं नतलोकपालं
भक्तार्तिभञ्जनपरं वरदं वरेण्यम्।
प्रातः स्मरामि गणनायकनामरूपं
लम्बोदरं परमसुन्दरमेकदन्तम्।
सिद्धिप्रदं गजमुखं सुमुखं शरण्यं
श्रेयस्करं भुवनमङ्गलमादिदेवम्।
यः श्लोकपञ्चकमिदं पठति प्रभाते
भक्त्या गृहीतचरणो गणनायकस्य।
तस्मै ददाति मुदितो वरदानदक्ष-
श्चिन्तामणिर्निखिल- चिन्तितमर्थकामम्।

praatah' smaraami gananaathamukhaaravindam
netratrayam madasugandhitagand'ayugmam.
shund'ancha ratnaghat'amand'itamekadantam
dhyaanena chintitaphalam vitarannameekshnam.
praatah' smaraami gananaathabhujaanasheshaa-
nabjaadibhirvilasitaan lasitaangadaishcha.
uddand'avighnaparikhand'ana- chand'adand'aan
vaanchhaadhikam pratidinam varadaanadakshaan.
praatah' smaraami gananaathavishaaladeham
sindoorapunjapariranjita- kaantikaantam.
muktaaphalairmani- ganairlasitam samantaat
shlisht'am mudaa dayitayaa kila siddhalakshmyaa.
praatah' stuve ganapatim ganaraajaraajam
modapramodasumukhaadi- ganaishcha jusht'am.
shaktyasht'abhirvilasitam natalokapaalam
bhaktaartibhanjanaparam varadam varenyam.
praatah' smaraami gananaayakanaamaroopam
lambodaram paramasundaramekadantam.
siddhipradam gajamukham sumukham sharanyam
shreyaskaram bhuvanamangalamaadidevam.
yah' shlokapanchakamidam pat'hati prabhaate
bhaktyaa gri'heetacharano gananaayakasya.
tasmai dadaati mudito varadaanadaksha-
shchintaamanirnikhila- chintitamarthakaamam.

Ramaswamy Sastry and Vighnesh Ghanapaathi