विघ्नेश्वरं चतुर्बाहुं देवपूज्यं परात्परम्|
गणेशं त्वां प्रपन्नोऽहं विघ्नान् मे नाशयाऽऽशु भोः|
लम्बोदरं गजेशानं विशालाक्षं सनातनम्|
एकदन्तं प्रपन्नोऽहं विघ्नान् मे नाशयाऽऽशु भोः|
आखुवाहनमव्यक्तं सर्वशास्त्रविशारदम्|
वरप्रदं प्रपन्नोऽहं विघ्नान् मे नाशयाऽऽशु भोः|
अभयं वरदं दोर्भ्यां दधानं मोदकप्रियम्|
शैलजाजं प्रपन्नोऽहं विघ्नान् मे नाशयाऽऽशु भोः|
भक्तितुष्टं जगन्नाथं ध्यातृमोक्षप्रदं द्विपम्|
शिवसूनुं प्रपन्नोऽहं विघ्नान् मे नाशयाऽऽशु भोः|
संसाराब्धितरिं देवं करिरूपं गणाग्रगम्|
स्कन्दाग्रजं प्रपन्नोऽहं विघ्नान् मे नाशयाऽऽशु भोः|
कारुण्यामृतजीमूतं सुरासुरनमस्कृतम्|
शूलहस्तं प्रपन्नोऽहं विघ्नान् मे नाशयाऽऽशु भोः|
परेश्वरं महाकायं महाभारतलेखकम्|
वेदवेद्यं प्रपन्नोऽहं विघ्नान् मे नाशयाऽऽशु भोः|
विघ्नेशाष्टकमेतद्यः सर्वविघ्नौघनाशनम्|
पठेत् प्रतिदिनं प्रातस्तस्य निर्विघ्नता भवेत्|

vighneshvaram chaturbaahum devapoojyam paraatparam|
ganesham tvaam prapanno'ham vighnaan me naashayaa''shu bhoh'|
lambodaram gajeshaanam vishaalaaksham sanaatanam|
ekadantam prapanno'ham vighnaan me naashayaa''shu bhoh'|
aakhuvaahanamavyaktam sarvashaastravishaaradam|
varapradam prapanno'ham vighnaan me naashayaa''shu bhoh'|
abhayam varadam dorbhyaam dadhaanam modakapriyam|
shailajaajam prapanno'ham vighnaan me naashayaa''shu bhoh'|
bhaktitusht'am jagannaatham dhyaatri'mokshapradam dvipam|
shivasoonum prapanno'ham vighnaan me naashayaa''shu bhoh'|
samsaaraabdhitarim devam kariroopam ganaagragam|
skandaagrajam prapanno'ham vighnaan me naashayaa''shu bhoh'|
kaarunyaamri'tajeemootam suraasuranamaskri'tam|
shoolahastam prapanno'ham vighnaan me naashayaa''shu bhoh'|
pareshvaram mahaakaayam mahaabhaaratalekhakam|
vedavedyam prapanno'ham vighnaan me naashayaa''shu bhoh'|
vighneshaasht'akametadyah' sarvavighnaughanaashanam|
pat'het pratidinam praatastasya nirvighnataa bhavet|

Ramaswamy Sastry and Vighnesh Ghanapaathi