ಅಸಿತಂ ವನಮಾಲಿನಂ ಹರಿಂ
ಧೃತಗೋವರ್ಧನಮುತ್ತಮೋತ್ತಮಂ.
ವರದಂ ಕರುಣಾಲಯಂ ಸದಾ
ವ್ರಜಗೋಪೀರಮಣಂ ಭಜಾಮ್ಯಹಂ.
ಪೃಥಿವೀಪತಿಮವ್ಯಯಂ ಮಹಾ-
ಬಲಮಗ್ರ್ಯಂ ನಿಯತಂ ರಮಾಪತಿಂ.
ದನುಜಾಂತಕಮಕ್ಷಯಂ ಭೃಶಂ
ವ್ರಜಗೋಪೀರಮಣಂ ಭಜಾಮ್ಯಹಂ.
ಸದಯಂ ಮಧುಕೈಟಭಾಂತಕಂ
ಚರಿತಾಶೇಷತಪಃಫಲಂ ಪ್ರಭುಂ.
ಅಭಯಪ್ರದಮಾದಿಜಂ ಮುದಾ
ವ್ರಜಗೋಪೀರಮಣಂ ಭಜಾಮ್ಯಹಂ.
ಮಹನೀಯಮಭದ್ರನಾಶಕಂ
ನತಶೋಕಾರ್ತ್ತಿಹರಂ ಯಶಸ್ಕರಂ.
ಮುರಶತ್ರುಮಭೀಷ್ಟದಂ ಹೃದಾ
ವ್ರಜಗೋಪೀರಮಣಂ ಭಜಾಮ್ಯಹಂ.
ಅಮರೇಂದ್ರವಿಭುಂ ನಿರಾಮಯಂ
ರಮಣೀಯಾಂಬುಜಲೋಚನಂ ಚಿರಂ.
ಮುನಿಭಿಃ ಸತತಂ ನತಂ ಪುರಾ
ವ್ರಜಗೋಪೀರಮಣಂ ಭಜಾಮ್ಯಹಂ.
ನಿಗಮಾಗಮಶಾಸ್ತ್ರವೇದಿತಂ
ಕಲಿಕಾಲೇ ಭವತಾರಣಂ ಸುರಂ
ವಿಧಿಶಂಭುನಮಸ್ಕೃತಂ ಮುಹು-
ರ್ವ್ರಜಗೋಪೀರಮಣಂ ಭಜಾಮ್ಯಹಂ.

Ramaswamy Sastry and Vighnesh Ghanapaathi