ಗಜೇಂದ್ರಶಾರ್ದೂಲಮೃಗೇಂದ್ರವಾಹನಂ
ಮುನೀಂದ್ರಸಂಸೇವಿತಪಾದಪಂಕಜಂ .
ದೇವೀದ್ವಯೇನಾವೃತಪಾರ್ಶ್ವಯುಗ್ಮಂ
ಶಾಸ್ತಾರಮಾದ್ಯಂ ಸತತಂ ನಮಾಮಿ ..

ಹರಿಹರಭವಮೇಕಂ ಸಚ್ಚಿದಾನಂದರೂಪಂ
ಭವಭಯಹರಪಾದಂ ಭಾವನಾಗಮ್ಯಮೂರ್ತಿಂ .
ಸಕಲಭುವನಹೇತುಂ ಸತ್ಯಧರ್ಮಾನುಕೂಲಂ
ಶ್ರಿತಜನಕುಲಪಾಲಂ ಧರ್ಮಶಾಸ್ತಾರಮೀಡೇ ..

ಹರಿಹರಸುತಮೀಶಂ ವೀರವರ್ಯಂ ಸುರೇಶಂ
ಕಲಿಯುಗಭವಭೀತಿಧ್ವಂಸಲೀಲಾವತಾರಂ .
ಜಯವಿಜಯಲಕ್ಷ್ಮೀ ಸುಸಂಸೃತಾಜಾನುಬಾಹುಂ
ಮಲಯಗಿರಿನಿವಾಸಂ ಧರ್ಮಶಾಸ್ತಾರಮೀಡೇ ..

ಪರಶಿವಮಯಮೀಡ್ಯಂ ಭೂತನಾಥಂ ಮುನೀಂದ್ರಂ
ಕರಧೃತವಿಕಚಾಬ್ಜಂ ಬ್ರಹ್ಮಪಂಚಸ್ವರೂಪಂ .
ಮಣಿಮಯಸುಕಿರೀಟಂ ಮಲ್ಲಿಕಾಪುಷ್ಪಹಾರಂ
ವರವಿತರಣಶೀಲಂ ಧರ್ಮಶಾಸ್ತಾರಮೀಡೇ ..

ಹರಿಹರಮಯಮಾಯ ಬಿಂಬಮಾದಿತ್ಯಕೋಟಿ-
ತ್ವಿಷಮಮಲಮುಖೇಂದುಂ ಸತ್ಯಸಂಧಂ ವರೇಣ್ಯಂ .
ಉಪನಿಷದವಿಭಾವ್ಯಂ ಓಂಇತಿಧ್ಯಾನಗಮ್ಯಂ
ಮುನಿಜನಹೃದಿ ಚಿಂತ್ಯಂ ಧರ್ಮಶಾಸ್ತಾರಮೀಡೇ ..

ಕನಕಮಯದುಕೂಲಂ ಚಂದನಾರ್ದ್ರಾವಸಿಕ್ತಂ
ಸರಸಮೃದುಲಹಾಸಂ ಬ್ರಾಹ್ಮಣಾನಂದಕಾರಂ .
ಮಧುರಸಮಯಪಾಣಿಂ ಮಾರಜೀವಾತುಲೀಲಂ
ಸಕಲದುರಿತನಾಶಂ ಧರ್ಮಶಾಸ್ತಾರಮೀಡೇ ..

ಮುನಿಜನಗಣಸೇವ್ಯಂ ಮುಕ್ತಿಸಾಮ್ರಾಜ್ಯಮೂಲಂ
ವಿದಿತಸಕಲತತ್ವಜ್ಞಾನಮಂತ್ರೋಪದೇಶಂ .
ಇಹಪರಫಲಹೇತುಂ ತಾರಕಂ ಬ್ರಹ್ಮಸಂಜ್ಞಂ
ಷಡರಿಮಲವಿನಾಶಂ ಧರ್ಮಶಾಸ್ತಾರಮೀಡೇ ..

ಮಧುರಸಫಲಮುಖ್ಯೈಃ ಪಾಯಸೈರ್ಭಕ್ಷ್ಯಜಾಲೈಃ
ದಧಿಘೃತಪರಿಪೂರ್ಣೈರನ್ನದಾನೈಸ್ಸಂತುಷ್ಟಂ .
ನಿಜಪದನಮಿತಾನಾಂ ನಿತ್ಯವಾತ್ಸಲ್ಯಭಾವಂ
ಹೃದಯಕಮಲಮಧ್ಯೇ ಧರ್ಮಶಾಸ್ತಾರಮೀಡೇ ..

ಭವಗುಣಜನಿತಾನಾಂ ಭೋಗಮೋಕ್ಷಾಯ ನಿತ್ಯಂ
ಹರಿಹರಭವದೇವಸ್ಯಾಷ್ಟಕಂ ಸನ್ನಿಧೌ ಯಃ .
ಪಠತಿ ಸಕಲಭೋಗಾನ್ ಮುಕ್ತಿಸಾಮ್ರಾಜ್ಯಭಾಗ್ಯೇ
ಭುವಿ ದಿವಿ ಖಲು ತಸ್ಮೈ ನಿತ್ಯತುಷ್ಟೋ ದದಾತಿ ..

Ramaswamy Sastry and Vighnesh Ghanapaathi