ಅಚಲಾಂ ಸುರವರದಾ ಚಿರಸುಖದಾಂ ಜನಜಯದಾಂ .
ವಿಮಲಾಂ ಪದನಿಪುಣಾಂ ಪರಗುಣದಾಂ ಪ್ರಿಯದಿವಿಜಾಂ .
ಶಾರದಾಂ ಸರ್ವದಾ ಭಜೇ ಶಾರದಾಂ .
ಸುಜಪಾಸುಮಸದೃಶಾಂ ತನುಮೃದುಲಾಂ ನರಮತಿದಾಂ .
ಮಹತೀಪ್ರಿಯಧವಲಾಂ ನೃಪವರದಾಂ ಪ್ರಿಯಧನದಾಂ .
ಶಾರದಾಂ ಸರ್ವದಾ ಭಜೇ ಶಾರದಾಂ .
ಸರಸೀರುಹನಿಲಯಾಂ ಮಣಿವಲಯಾಂ ರಸವಿಲಯಾಂ .
ಶರಣಾಗತವರಣಾಂ ಸಮತಪನಾಂ ವರಧಿಷಣಾಂ .
ಶಾರದಾಂ ಸರ್ವದಾ ಭಜೇ ಶಾರದಾಂ .
ಸುರಚರ್ಚಿತಸಗುಣಾಂ ವರಸುಗುಣಾಂ ಶ್ರುತಿಗಹನಾಂ .
ಬುಧಮೋದಿತಹೃದಯಾಂ ಶ್ರಿತಸದಯಾಂ ತಿಮಿರಹರಾಂ .
ಶಾರದಾಂ ಸರ್ವದಾ ಭಜೇ ಶಾರದಾಂ .
ಕಮಲೋದ್ಭವವರಣಾಂ ರಸರಸಿಕಾಂ ಕವಿರಸದಾಂ .
ಮುನಿದೈವತವಚಾ ಸ್ಮೃತಿವಿನುತಾಂ ವಸುವಿಸೃತಾಂ .
ಶಾರದಾಂ ಸರ್ವದಾ ಭಜೇ ಶಾರದಾಂ .
ಯ ಇಮಂ ಸ್ತವಮನಿಶಂ ಭುವಿ ಕಥಯೇದಥ ಮತಿಮಾನ್ .
ಲಭತೇ ಸ ತು ಸತತಂ ಮತಿಮಪರಾಂ ಶ್ರುತಿಜನಿತಾಂ .
ಶಾರದಾಂ ಸರ್ವದಾ ಭಜೇ ಶಾರದಾಂ .

Ramaswamy Sastry and Vighnesh Ghanapaathi