శ్రీరాధాం రాధికాం వందే కుంజకుంజేషు శోభితాం .
వ్రజంతీం సహ కృష్ణేన వ్రజవృందావనే శుభాం ..
దివ్యసౌందర్యసంపన్నాం భజేఽహం మనసా సదా .
రాధికాం కరుణాపూర్ణాం సర్వేశ్వరీం చ సౌభగాం ..
కృష్ణహృదంబుజాం రాధాం స్మరామి సతతం హృదా .
రసికైశ్చ సమారాధ్యాం భావుకైశ్చ ప్రపూజితాం ..
పరమానందరూపాం చ భజేఽహం వృషభానుజాం .
సఖివృందైశ్చ సంసేవ్యాం శ్రీరాధాం వ్రజవల్లభాం ..
కదలీచారుకుంజేషు రాజితాం రాధికాం ప్రియాం .
దేవేంద్రాద్యైః సదాఽగమ్యాం భజేఽహం పరమాం శుభాం ..
సనకాద్యైః సదాఽఽరాధ్యాం గీతాం గంధర్వకిన్నరైః .
కుంజేశ్వరీం భజే రాధాం విపినే చ సుసేవితాం ..
కోకిలాసారికానాదైః సుస్మితాం రాధికాం భజే .
నింబకుంజే స్థితాం రాధాం దివ్యకాంతియుతాం ప్రియాం ..
ఉచ్చారితాం హృదా కీరైః శ్రుతిశాస్త్రైర్భజే వరాం .
దివ్యగుణాన్వితాం రాధాం వ్రజజనైశ్చ భావితాం ..

Ramaswamy Sastry and Vighnesh Ghanapaathi