వేణీం సితేతరసమీరణభోజితుల్యాం
వాణీం చ కేకికులగర్వహరాం వహంతీం .
శ్రోణీం గిరిస్మయవిభేదచణాం దధానాం
వాణీమనన్యశరణః శరణం ప్రపద్యే ..

వాచః ప్రయత్నమనపేక్ష్య ముఖారవిందా-
ద్వాతాహతాబ్ధిలహరీమదహారదక్షాః .
వాదేషు యత్కరుణయా ప్రగలంతి తాం త్వాం
వాణీమనన్యశరణః శరణం ప్రపద్యే ..

రాకాశశాంకసదృశాననపంకజాతాం
శోకాపహారచతురాంఘ్రిసరోజపూజాం .
పాకారిముఖ్యదివిషత్ప్రవరేడ్యమానాం
వాణీమనన్యశరణః శరణం ప్రపద్యే ..

బాలోడుపప్రవిలసత్కచమధ్యభాగాం
నీలోత్పలప్రతిభటాక్షివిరాజమానాం .
కాలోన్మిషత్కిసలయారుణపాదపద్మాం
వాణీమనన్యశరణః శరణం ప్రపద్యే ..

Ramaswamy Sastry and Vighnesh Ghanapaathi