సహస్రనయనః సూర్యో రవిః ఖేచరనాయకః|
సప్తాశ్వవాహనో దేవో దినేశః శరణం మమ|
తుహినాంశుః శశాంకశ్చ శివశేఖరమండనః|
ఓషధీశస్తమోహర్తా రాకేశః శరణం మమ|
మహోగ్రో మహతాం వంద్యో మహాభయనివారకః|
మహీసూనుర్మహాతేజా మంగలః శరణం మమ|
అభీప్సితార్థదః శూరః సౌమ్యః సౌమ్యఫలప్రదః|
పీతవస్త్రధరః పుణ్యః సోమజః శరణం మమ|
ధర్మసంరక్షకః శ్రేష్ఠః సుధర్మాధిపతిర్ద్విజః|
సర్వశాస్త్రవిపశ్చిచ్చ దేవేజ్యః శరణం మమ|
సమస్తదోషవిచ్ఛేదీ కవికర్మవిశారదః|
సర్వజ్ఞః కరుణాసింధు- ర్దైత్యేజ్యః శరణం మమ|
వజ్రాయుధధరః కాకవాహనో వాంఛితార్థదః|
క్రూరదృష్టిర్యమభ్రాతా రవిజః శరణం మమ|
సైంహికేయోఽర్ద్ధకాయశ్చ సర్పాకారః శుభంకరః|
తమోరూపో విశాలాక్ష అసురః శరణం మమ|
దక్షిణాభిముఖః ప్రీతః శుభో జైమినిగోత్రజః|
శతరూపః సదారాధ్యః సుకేతుః శరణం మమ
Recommended for you
మందాకినీ స్తోత్రం
జయతు జయతు మందాకిని తవ సలిలం ధవలం . నయ విలయం భాగీరథి నమ దుర....
Click here to know more..చంద్ర గ్రహణ దోష నివారణ స్తోత్రం
యోఽసౌ వజ్రధరో దేవ ఆదిత్యానాం ప్రభుర్మతః. సహస్రనయనశ్చంద....
Click here to know more..శుక్ల యజువేదం నుండి రుద్ర పాఠం
ఓం నమస్తే రుద్ర మన్యవ ఉతో త ఇషవే నమః . బాహుభ్యాముత తే నమః ......
Click here to know more..
