മഹാവിദ്യാ സ്തുതി

ദേവാ ഊചുഃ .
നമോ ദേവി മഹാവിദ്യേ സൃഷ്ടിസ്ഥിത്യന്തകാരിണി .
നമഃ കമലപത്രാക്ഷി സർവാധാരേ നമോഽസ്തു തേ ..

സവിജ്ഞതൈജസപ്രാജ്ഞവിരാട്സൂത്രാത്മികേ നമഃ .
നമോ വ്യാകൃതരൂപായൈ കൂടസ്ഥായൈ നമോ നമഃ ..

ദുർഗേ സർഗാദിരഹിതേ ദുഷ്ടസംരോധനാർഗലേ .
നിരർഗലപ്രേമഗമ്യേ ഭർഗേ ദേവി നമോഽസ്തു തേ ..

നമഃ ശ്രീകാലികേ മാതർനമോ നീലസരസ്വതി .
ഉഗ്രതാരേ മഹോഗ്രേ തേ നിത്യമേവ നമോ നമഃ ..

നമഃ പീതാംബരേ ദേവി നമസ്ത്രിപുരസുന്ദരി .
നമോ ഭൈരവി മാതംഗി ധൂമാവതി നമോ നമഃ ..

ഛിന്നമസ്തേ നമസ്തേഽസ്തു ക്ഷീരസാഗരകന്യകേ .
നമഃ ശാകംഭരി ശിവേ നമസ്തേ രക്തദന്തികേ ..

നിശുംഭശുംഭദലനി രക്തബീജവിനാശിനി .
ധൂമ്രലോചനനിർണാശേ വൃത്രാസുരനിബർഹിണി ..

ചണ്ഡമുണ്ഡപ്രമഥിനി ദാനവാന്തകരേ ശിവേ .
നമസ്തേ വിജയേ ഗംഗേ ശാരദേ വികചാനനേ ..

പൃഥ്വീരൂപേ ദയാരൂപേ തേജോരൂപേ നമോ നമഃ .
പ്രാണരൂപേ മഹാരൂപേ ഭൂതരൂപേ നമോഽസ്തു തേ ..

വിശ്വമൂർതേ ദയാമൂർതേ ധർമമൂർതേ നമോ നമഃ .
ദേവമൂർതേ ജ്യോതിമൂർതേ ജ്ഞാനമൂർതേ നമോഽസ്തു തേ ..

ഗായത്രി വരദേ ദേവി സാവിത്രി ച സരസ്വതി .
നമഃ സ്വാഹേ സ്വധേ മാതർദക്ഷിണേ തേ നമോ നമഃ ..

നേതി നേതീതി വാക്യൈര്യാ ബോധ്യതേ സകലാഗമൈഃ .
സർവപ്രത്യക്സ്വരൂപാം താം ഭജാമഃ പരദേവതാം ..

ഭ്രമരൈർവേഷ്ടിതാ യസ്മാദ് ഭ്രാമരീ യാ തതഃ സ്മൃതാ .
തസ്യൈ ദേവ്യൈ നമോ നിത്യം നിത്യമേവ നമോ നമഃ ..

നമസ്തേ പാർശ്വയോഃ പൃഷ്ഠേ നമസ്തേ പുരതോഽമ്ബികേ .
നമ ഊർധ്വം നമശ്ചാധഃ സർവത്രൈവ നമോ നമഃ ..

കൃപാം കുരു മഹാദേവി മണിദ്വീപാധിവാസിനി .
അനന്തകോടിബ്രഹ്മാണ്ഡനായികേ ജഗദംബികേ ..

ജയ ദേവി ജഗന്മാതർജയ ദേവി പരാത്പരേ .
ജയ ശ്രീഭുവനേശാനി ജയ സർവോത്തമോത്തമേ ..

കല്യാണഗുണരത്നാനാമാകരേ ഭുവനേശ്വരി .
പ്രസീദ പരമേശാനി പ്രസീദ ജഗതോരണേ ..

Ramaswamy Sastry and Vighnesh Ghanapaathi

Other stotras