లలితాంబా స్తోత్రం
సహస్రనామసంతుష్టాం దేవికాం త్రిశతీప్రియాం|
శతనామస్తుతిప్రీతాం లలితాంబాం నమామ్యహం|
చతుర్భుజాం చిదాకారాం చతుఃషష్టికలాత్మికాం|
భక్తార్తినాశినీం నమ్యాం లలితాంబాం నమామ్యహం|
కంజపత్రాయతాక్షీం తాం కల్యాణగుణశాలినీం|
కారుణ్యసాగరాం కాంతాం లలితాంబాం నమామ్యహం|
ఆదిరూపాం మహామాయాం శుద్ధజాంబూనదప్రభాం|
సర్వేశనాయికాం శుద్ధాం లలితాంబాం నమామ్యహం|
భక్తకామ్యప్రదాం భవ్యాం భండాసురవధోద్యతాం|
బంధత్రయవిముక్తాం చ లలితాంబాం నమామ్యహం|
భూతిప్రదాం భువన్యస్థాం బ్రాహ్మణాద్యైర్నమస్కృతాం|
బ్రహ్మాదిభిః సర్జితాండాం లలితాంబాం నమామ్యహం|
రూప్యనిర్మితవక్షోజ- భూషణామున్నతస్తనాం|
కృశకట్యన్వితాం రమ్యాం లలితాంబాం నమామ్యహం|
మాహేశ్వరీం మనోగమ్యాం జ్వాలామాలావిభూషితాం|
నిత్యానందాం సదానందాం లలితాంబాం నమామ్యహం|
మంజుసంభాషిణీం మేయాం స్మితాస్యామమితప్రభాం|
మంత్రాక్షరమయీం మాయాం లలితాంబాం నమామ్యహం|
సంసారసాగరత్రాత్రీం సురాభయవిధాయినీం|
రాజరాజేశ్వరీం నిత్యం లలితాంబాం నమామ్యహం|
Other stotras
