Ganapati Vajra Panjara Kavacham
महादेवि गणेशस्य वरदस्य महात्मनः ।
कवचं ते प्रवक्ष्यामि वज्रपञ्जरकाभिधम् ॥
ॐ अस्य श्रीमहागणपतिवज्रपञ्जरकवचस्य । श्रीभैरव ऋषिः ।
गायत्री छन्दः । श्रीमहागणपति देवता । गं बीजम् । ह्रीं शक्तिः ।
कुरु कुरु कीलकम् । वज्रविद्यादिसिद्ध्यर्थे महागणपतिवज्रपञ्जरकवचपाठे विनियोगः ॥
श्रीभैरवर्षये नमः शिरसि । गायत्रच्छन्दसे नमो मुखे ।
श्रीमहागणपतिदेवतायै नमो हृदि । गं बीजाय नमो गुह्ये ।
ह्रींशक्तये नमो नाभौ । कुरु कुरु कीलकाय नमः पादयोः ।
वज्रविद्यादिसिद्ध्यर्थे महागणपतिवज्रपञ्जरकवचपाठे विनियोगाय नमः सर्वाङ्गे ॥
गाम् अङ्गुष्ठाभ्यां नमः । गीं तर्जनीभ्यां नमः ।
गूं मध्यमाभ्यां नमः । गैम् अनामिकाभ्यां नमः ।
गौं कनिष्ठिकाभ्यां नमः । गः करतलकरपृष्ठाभ्यां नमः ॥
गां हृदयाय नमः । गीं शिरसे स्वाहा । गूं शिखायै वषट् ।
गैं कवचाय हुम् । गौं नेत्रत्रयाय वौषट् । गः अस्त्राय फट् ॥
विघ्नेशं विश्ववन्द्यं सुविपुलयशसं लोकरक्षाप्रदक्षं
साक्षात्सर्वापदासु प्रशमनसुमतिं पार्वतीप्राणसूनुम् ।
प्रायः सर्वासुरेन्द्रैः ससुरमुनिगणैः साधकैः पूज्यमानं
कारुण्येनान्तरायामितभयशमनं विघ्नराजं नमामि ॥
ॐ श्रीं ह्रीं गं शिरः पातु महागणपतिः प्रभुः ।
विनायको ललाटं मे विघ्नराजो भ्रुवौ मम ॥
पातु नेत्रे गणाध्यक्षो नासिकां मे गजाननः ।
श्रुती मेऽवतु हेरम्बो गण्डौ मे मोदकाशनः ॥
द्वैमातुरो मुखं पातु चाधरौ पात्वरिन्दमः ।
दन्तान्ममैकदन्तोऽव्याद्वक्रतुण्डोऽवताद्रसाम् ॥
गाङ्गेयो मे गलं पातु स्कन्धौ सिंहासनोऽवतु ।
विघ्नान्तको भुजौ पातु हस्तौ मूषकवाहनः ॥
ऊरू ममावतान्नित्यं देवस्त्रिपुरघातनः ।
हृदयं मे कुमारोऽव्याज्जयन्तः पार्श्वयुग्मकम् ॥
प्रद्युम्नो मेऽवतात्पृष्ठं नाभिं शङ्करनन्दनः ।
कटिं नन्दिगणः पातु शिश्नं विश्वेश्वरोऽवतु ॥
मेढ्रे मेऽवतु सौभाग्यो भृङ्गिरीटी च गुह्यकम् ।
विराटकोऽवतादूरू जानू मे पुष्पदन्तकः ॥
जङ्घे मम विकर्तोऽव्याद्गुल्फावन्त्यगणोऽवतु ।
पादौ चित्तगणः पातु पादाधो लोहितोऽवतु ॥
पादपृष्ठं सुन्दरोऽव्यान्नूपुराढ्यो वपुर्मम ।
विचारो जठरं पातु भूतानि चोग्ररूपकः ॥
शिरसः पादपर्यन्तं वपुः सप्तगणोऽवतु ।
पादादिमूर्धपर्यन्तं वपुः पातु विनर्तकः ॥
विस्मारितं तु यत्स्थानं गणेशस्तत्सदाऽवतु ।
पूर्वे मां ह्रीं करालोऽव्यादाग्नेये विकरालकः ॥
दक्षिणे पातु संहारो नैरृते रुरुभैरवः ।
पश्चिमे मां महाकालो वायौ कालाग्निभैरवः ॥
उत्तरे मां सितास्योऽव्यादैशान्यामसितात्मकः ।
प्रभाते शतपत्रोऽव्यात्सहस्रारस्तु मध्यमे ॥
दन्तमाला दिनान्तेऽव्यान्निशि पात्रं सदाऽवतु ।
कलशो मां निशीथेऽव्यान्निशान्ते परशुस्तथा ।
सर्वत्र सर्वदा पातु शङ्खयुग्मं च मद्वपुः ॥
ॐ ॐ राजकुले हौं हौं रणभये ह्रीं ह्रीं कुद्यूतेऽवतात्
श्रीं श्रीं शत्रुगृहे शौं शौं जलभये क्लीं क्लीं वनान्तेऽवतु ।
ग्लौं ग्लूं ग्लैं ग्लं गुं सत्त्वभीतिषु महाव्याध्यार्तिषु ग्लौं गं गौं
नित्यं यक्षपिशाचभूतफणिषु ग्लौं गं गणेशोऽवतु ॥
इतीदं कवचं गुह्यं सर्वतन्त्रेषु गोपितम् ।
वज्रपञ्जरनामानं गणेशस्य महात्मनः ॥
अङ्गभूतं मनुमयं सर्वाचारैकसाधनम् ।
विनानेन न सिद्धिः स्यात्पूजनस्य जपस्य च ॥
तस्मात्तु कवचं पुण्यं पठेद्वा धारयेत्सदा ।
तस्य सिद्धिर्महादेवि करस्था पारलौकिकी ॥
यं यं कामयते कामं तं तं प्राप्नोति पाठतः ।
अर्धरात्रे पठेन्नित्यं सर्वाभीष्टफलं लभेत् ॥
इति गुह्यं सुकवचं महागणपतेः प्रियम् ।
सर्वसिद्धिमयं दिव्यं गोपयेत्परमेश्वरि ॥
mahaadevi ganeshasya varadasya mahaatmanah' .
kavacham' te pravakshyaami vajrapanjarakaabhidham ..
om asya shreemahaaganapativajrapanjarakavachasya . shreebhairava ri'shih' .
gaayatree chhandah' . shreemahaaganapati devataa . gam' beejam . hreem' shaktih' .
kuru kuru keelakam . vajravidyaadisiddhyarthe mahaaganapativajrapanjarakavachapaat'he viniyogah' ..
shreebhairavarshaye namah' shirasi . gaayatrachchhandase namo mukhe .
shreemahaaganapatidevataayai namo hri'di . gam' beejaaya namo guhye .
hreem'shaktaye namo naabhau . kuru kuru keelakaaya namah' paadayoh' .
vajravidyaadisiddhyarthe mahaaganapativajrapanjarakavachapaat'he viniyogaaya namah' sarvaange ..
gaam angusht'haabhyaam' namah' . geem' tarjaneebhyaam' namah' .
goom' madhyamaabhyaam' namah' . gaim anaamikaabhyaam' namah' .
gaum' kanisht'hikaabhyaam' namah' . gah' karatalakarapri'sht'haabhyaam' namah' ..
gaam' hri'dayaaya namah' . geem' shirase svaahaa . goom' shikhaayai vashat' .
gaim' kavachaaya hum . gaum' netratrayaaya vaushat' . gah' astraaya phat' ..
vighnesham' vishvavandyam' suvipulayashasam' lokarakshaapradaksham'
saakshaatsarvaapadaasu prashamanasumatim' paarvateepraanasoonum .
praayah' sarvaasurendraih' sasuramuniganaih' saadhakaih' poojyamaanam'
kaarunyenaantaraayaamitabhayashamanam' vighnaraajam' namaami ..
om shreem' hreem' gam' shirah' paatu mahaaganapatih' prabhuh' .
vinaayako lalaat'am' me vighnaraajo bhruvau mama ..
paatu netre ganaadhyaksho naasikaam' me gajaananah' .
shrutee me'vatu herambo gand'au me modakaashanah' ..
dvaimaaturo mukham' paatu chaadharau paatvarindamah' .
dantaanmamaikadanto'vyaadvakratund'o'vataadrasaam ..
gaangeyo me galam' paatu skandhau sim'haasano'vatu .
vighnaantako bhujau paatu hastau mooshakavaahanah' ..
ooroo mamaavataannityam' devastripuraghaatanah' .
hri'dayam' me kumaaro'vyaajjayantah' paarshvayugmakam ..
pradyumno me'vataatpri'sht'ham' naabhim' shankaranandanah' .
kat'im' nandiganah' paatu shishnam' vishveshvaro'vatu ..
med'hre me'vatu saubhaagyo bhri'ngireet'ee cha guhyakam .
viraat'ako'vataadooroo jaanoo me pushpadantakah' ..
janghe mama vikarto'vyaadgulphaavantyagano'vatu .
paadau chittaganah' paatu paadaadho lohito'vatu ..
paadapri'sht'ham' sundaro'vyaannoopuraad'hyo vapurmama .
vichaaro jat'haram' paatu bhootaani chograroopakah' ..
shirasah' paadaparyantam' vapuh' saptagano'vatu .
paadaadimoordhaparyantam' vapuh' paatu vinartakah' ..
vismaaritam' tu yatsthaanam' ganeshastatsadaa'vatu .
poorve maam' hreem' karaalo'vyaadaagneye vikaraalakah' ..
dakshine paatu sam'haaro nairri'te rurubhairavah' .
pashchime maam' mahaakaalo vaayau kaalaagnibhairavah' ..
uttare maam' sitaasyo'vyaadaishaanyaamasitaatmakah' .
prabhaate shatapatro'vyaatsahasraarastu madhyame ..
dantamaalaa dinaante'vyaannishi paatram' sadaa'vatu .
kalasho maam' nisheethe'vyaannishaante parashustathaa .
sarvatra sarvadaa paatu shankhayugmam' cha madvapuh' ..
om om raajakule haum' haum' ranabhaye hreem' hreem' kudyoote'vataat
shreem' shreem' shatrugri'he shaum' shaum' jalabhaye kleem' kleem' vanaante'vatu .
glaum' gloom' glaim' glam' gum' sattvabheetishu mahaavyaadhyaartishu glaum' gam' gaum'
nityam' yakshapishaachabhootaphanishu glaum' gam' ganesho'vatu ..
iteedam' kavacham' guhyam' sarvatantreshu gopitam .
vajrapanjaranaamaanam' ganeshasya mahaatmanah' ..
angabhootam' manumayam' sarvaachaaraikasaadhanam .
vinaanena na siddhih' syaatpoojanasya japasya cha ..
tasmaattu kavacham' punyam' pat'hedvaa dhaarayetsadaa .
tasya siddhirmahaadevi karasthaa paaralaukikee ..
yam' yam' kaamayate kaamam' tam' tam' praapnoti paat'hatah' .
ardharaatre pat'hennityam' sarvaabheesht'aphalam' labhet ..
iti guhyam' sukavacham' mahaaganapateh' priyam .
sarvasiddhimayam' divyam' gopayetparameshvari ..
Other stotras
