ബാലാ ഭുജംഗ സ്തോത്ര
ജഗദ്യോനിരൂപാം സുവേശീം ച രക്താം ഗുണാതീതസഞ്ജ്ഞാം മഹാഗുഹ്യഗുഹ്യാം .
മഹാസർപഭൂഷാം ഭവേശാദിപൂജ്യാം മഹാത്യുഗ്രബാലാം ഭജേഽഹം ഹി നിത്യാം ..
മഹാസ്വർണവർണാം ശിവപൃഷ്ഠസംസ്ഥാം മഹാമുണ്ഡമാലാം ഗലേ ശോഭമാനാം .
മഹാചർമവസ്ത്രാം മഹാശംഖഹസ്താം മഹാത്യുഗ്രബാലാം ഭജേഽഹം ഹി നിത്യാം ..
സദാ സുപ്രസന്നാം ഭൃതാസൂക്ഷ്മസൂക്ഷ്മാം വരാഭീതിഹസ്താം ധൃതാവക്ഷപുസ്താം .
മഹാകിന്നരേശീം ഭഗാകാരവിദ്യാം മഹാത്യുഗ്രബാലാം ഭജേഽഹം ഹി നിത്യാം ..
തിനീം തീകിനീനാം രവാം കിങ്കിണീനാം ഹഹാഹാഹഹാഹാമഹാലാപശബ്ദാം .
തഥൈഥൈ തഥൈഥൈ മഹാനൃത്യനൃത്യാം മഹാട്യുഗ്രബാലാം ഭജേഽഹം ഹി നിത്യാം ..
നനാനാരിരീരീമഹാഗീശശംബൂ ഹുഹൂവൂഹുഹൂവൂപശോ രക്തപാനാം .
ധിമിന്ധീം ധിമിന്ധീം മൃദംഗസ്യ ശബ്ദാം മഹാത്യുഗ്രബാലാം ഭജേഽഹം ഹി നിത്യാം ..
മഹാചക്രസംസ്ഥാം ത്രിമാത്രാസ്വരൂപാം ശിവാർധാംഗഭൂതാം മഹാപുഷ്പമാലാം .
മഹാദുഃഖഹർത്രീം മഹാപ്രേതസംസ്ഥാം മഹാത്യുഗ്രബാലാം ഭജേഽഹം ഹി നിത്യാം ..
സ്ഫുരത്പദ്മവക്ത്രാം ഹിമാംശോഃ കലാപാം മഹാകോമലാംഗീം സുരേശേന മാന്യാം .
ജഗത്പാലനൈകാഗ്രചിത്താം സുപുഷ്ടാം മഹാത്യുഗ്രബാലാം ഭജേഽഹം ഹി നിത്യാം ..
മഹാദൈത്യനാശീം സുരാന്നിത്യപാലീം മഹാബുദ്ധിരാശിം കവീനാം മുഖസ്ഥാം .
ജടീനാം ഹൃദിസ്ഥാം മനൂനാം ശിരഃസ്ഥാം മഹാത്യുഗ്രബാലാം ഭജേഽഹം ഹി നിത്യാം ..
ഭുജംഗാഖ്യം മഹാസ്തോത്രം ത്രിഷു ലോകേഷു ദുർലഭം .
മഹാസിദ്ധിപ്രദം ദിവ്യം ചതുർവർഗഫലപ്രദം ..
സർവക്രതുഫലം ഭദ്രേ സർവവ്രതഫലം തഥാ .
സർവദാനോദ്ഭവം പുണ്യം ലഭതേ നാത്ര സംശയഃ ..
വിവാദേ കലഹേ ഘോരേ മഹാദുഃഖേ പരാജയേ .
ഗ്രഹദോഷേ മഹാരോഗേ പഠേത്സ്തോത്രം വിചക്ഷണഃ ..
സർവേ ദോഷാ വിനശ്യന്തി ലഭതേ വാഞ്ഛിതം ഫലം .
ദൂതീയാഗേ പഠേദ്ദേവി സർവശത്രുക്ഷയോ ഭവത് ..
മഹാചക്രേ പഠേദ്ദേവി ലഭതേ പരമം പദം .
പൂജാന്തേ പഠതേ ഭക്ത്യാ മഹാബലിഫലപ്രദം ..
പിതൃഗേഹേ തുര്യപഥേ ശൂന്യാഗാരേ ശിവാലയേ .
ബില്വമൂലേ ചൈകവൃക്ഷേ രതൗ മധുസമാഗമേ ..
പഠേത്സ്തോത്രം മഹേശാനി ജീവന്മുക്തസ്സ ഉച്യതേ .
ത്രികാലം പഠതേ നിത്യം ദേവീപുത്രത്വമാപ്നുയാത് ..
Other stotras
