ಜಗತ್ಸೃಷ್ಟಿಹೇತೋ ದ್ವಿಷದ್ಧೂಮಕೇತೋ
ರಮಾಕಾಂತ ಸದ್ಭಕ್ತವಂದ್ಯ ಪ್ರಶಾಂತ|
ತ್ವಮೇಕೋಽತಿಶಾಂತೋ ಜಗತ್ಪಾಸಿ ನೂನಂ
ಪ್ರಭೋ ದೇವ ಮಹ್ಯಂ ವರಂ ದೇಹಿ ವಿಷ್ಣೋ|
ಭುವಃ ಪಾಲಕಃ ಸಿದ್ಧಿದಸ್ತ್ವಂ ಮುನೀನಾಂ
ವಿಭೋ ಕಾರಣಾನಾಂ ಹಿ ಬೀಜಸ್ತ್ವಮೇಕಃ|
ತ್ವಮಸ್ಯುತ್ತಮೈಃ ಪೂಜಿತೋ ಲೋಕನಾಥ
ಪ್ರಭೋ ದೇವ ಮಹ್ಯಂ ವರಂ ದೇಹಿ ವಿಷ್ಣೋ|
ಅಹಂಕಾರಹೀನೋಽಸಿ ಭಾವೈರ್ವಿಹೀನ-
ಸ್ತ್ವಮಾಕಾರಶೂನ್ಯೋಽಸಿ ನಿತ್ಯಸ್ವರೂಪಃ|
ತ್ವಮತ್ಯಂತಶುದ್ಧೋಽಘಹೀನೋ ನಿತಾಂತಂ
ಪ್ರಭೋ ದೇವ ಮಹ್ಯಂ ವರಂ ದೇಹಿ ವಿಷ್ಣೋ|
ವಿಪದ್ರಕ್ಷಕ ಶ್ರೀಶ ಕಾರುಣ್ಯಮೂರ್ತೇ
ಜಗನ್ನಾಥ ಸರ್ವೇಶ ನಾನಾವತಾರ|
ಅಹಂಚಾಲ್ಪಬುದ್ಧಿಸ್ತ್ವಮವ್ಯಕ್ತರೂಪಃ
ಪ್ರಭೋ ದೇವ ಮಹ್ಯಂ ವರಂ ದೇಹಿ ವಿಷ್ಣೋ|
ಸುರಾಣಾಂ ಪತೇ ಭಕ್ತಕಾಮ್ಯಾದಿಪೂರ್ತ್ತೇ
ಮುನಿವ್ಯಾಸಪೂರ್ವೈರ್ಭೃಶಂ ಗೀತಕೀರ್ತೇ|
ಪರಾನಂದಭಾವಸ್ಥ ಯಜ್ಞಸ್ವರೂಪ
ಪ್ರಭೋ ದೇವ ಮಹ್ಯಂ ವರಂ ದೇಹಿ ವಿಷ್ಣೋ|
ಜ್ವಲದ್ರತ್ನಕೇಯೂರಭಾಸ್ವತ್ಕಿರೀಟ-
ಸ್ಫುರತ್ಸ್ವರ್ಣಹಾರಾದಿಭಿರ್ಭೂಷಿತಾಂಗ|
ಭುಜಂಗಾಧಿಶಾಯಿನ್ ಪಯಃಸಿಂಧುವಾಸಿನ್
ಪ್ರಭೋ ದೇವ ಮಹ್ಯಂ ವರಂ ದೇಹಿ ವಿಷ್ಣೋ|
ಪರಶುರಾಮ ಅಷ್ಟಕ ಸ್ತೋತ್ರ
ಕೇಶವಂ ಜಗದೀಶ್ವರಂ ತ್ರಿಗುಣಾತ್ಮಕಂ ಪರಪೂರುಷಂ ಪರ್ಶುರಾಮಮುಪಾಸ....
Click here to know more..ಋಣ ವಿಮೋಚನ ಅಂಗಾರಕ ಸ್ತೋತ್ರ
ಅಥ ಋಣಗ್ರಸ್ತಸ್ಯ ಋಣವಿಮೋಚನಾರ್ಥಂ ಅಂಗಾರಕಸ್ತೋತ್ರಂ. ಸ್ಕಂದ ಉವಾ....
Click here to know more..ಅಧ್ಯಯನದಲ್ಲಿ ಯಶಸ್ಸಿಗೆ ಕೃಷ್ಣ ಮಂತ್ರ
ಕೃಷ್ಣ ಕೃಷ್ಣ ಮಹಾಕೃಷ್ಣ ಸರ್ವಜ್ಞ ತ್ವಂ ಪ್ರಸೀದ ಮೇ . ರಮಾರಮಣ ವಿಶ....
Click here to know more..