सुवक्षोजकुम्भां सुधापूर्णकुम्भां
प्रसादावलम्बां प्रपुण्यावलम्बाम्।
सदास्येन्दुबिम्बां सदानोष्ठबिम्बां
भजे शारदाम्बामजस्रं मदम्बाम्।
कटाक्षे दयार्द्रां करे ज्ञानमुद्रां
कलाभिर्विनिद्रां कलापैः सुभद्राम्।
पुरस्त्रीं विनिद्रां पुरस्तुङ्गभद्रां
भजे शारदाम्बामजस्रं मदम्बाम्।
ललामाङ्कफालां लसद्गानलोलां
स्वभक्तैकपालां यशःश्रीकपोलाम्।
करे त्वक्षमालां कनत्प्रत्नलोलां
भजे शारदाम्बामजस्रं मदम्बाम्।
सुसीमन्तवेणीं दृशा निर्जितैणीं
रमत्कीरवाणीं नमद्वज्रपाणीम्।
सुधामन्थरास्यां मुदा चिन्त्यवेणीं
भजे शारदाम्बामजस्रं मदम्बाम्।
सुशान्तां सुदेहां दृगन्ते कचान्तां
लसत्सल्लताङ्गीमनन्तामचिन्त्याम्।
स्मरेत्तापसैः सर्गपूर्वस्थितां तां
भजे शारदाम्बामजस्रं मदम्बाम्।
कुरङ्गे तुरङ्गे मृगेन्द्रे खगेन्द्रे
मराले मदेभे महोक्षेऽधिरूढाम्।
महत्यां नवम्यां सदा सामरूढां
भजे शारदाम्बामजस्रं मदम्बाम्।
ज्वलत्कान्तिवह्निं जगन्मोहनाङ्गीं
भजे मानसाम्भोजसुभ्रान्तभृङ्गीम्।
निजस्तोत्रसङ्गीतनृत्यप्रभाङ्गीं
भजे शारदाम्बामजस्रं मदम्बाम्।
भवाम्भोजनेत्राजसंपूज्यमानां
लसन्मन्दहासप्रभावक्त्रचिह्नाम्।
चलच्चञ्चलाचारुताटङ्ककर्णां
भजे शारदाम्बामजस्रं मदम्बाम्।
suvakshojakumbhaam sudhaapoornakumbhaam
prasaadaavalambaam prapunyaavalambaam.
sadaasyendubimbaam sadaanosht'habimbaam
bhaje shaaradaambaamajasram madambaam.
kat'aakshe dayaardraam kare jnyaanamudraam
kalaabhirvinidraam kalaapaih' subhadraam.
purastreem vinidraam purastungabhadraam
bhaje shaaradaambaamajasram madambaam.
lalaamaankaphaalaam lasadgaanalolaam
svabhaktaikapaalaam yashah'shreekapolaam.
kare tvakshamaalaam kanatpratnalolaam
bhaje shaaradaambaamajasram madambaam.
suseemantaveneem dri'shaa nirjitaineem
ramatkeeravaaneem namadvajrapaaneem.
sudhaamantharaasyaam mudaa chintyaveneem
bhaje shaaradaambaamajasram madambaam.
sushaantaam sudehaam dri'gante kachaantaam
lasatsallataangee-
manantaamachintyaam.
smarettaapasaih' sargapoorvasthitaam taam
bhaje shaaradaambaamajasram madambaam.
kurange turange mri'gendre khagendre
maraale madebhe mahokshe'dhirood'haam.
mahatyaam navamyaam sadaa saamarood'haam
bhaje shaaradaambaamajasram madambaam.
jvalatkaantivahnim jaganmohanaangeem
bhaje maanasaambhojasubhraantabhri'ngeem.
nijastotrasangeetanri'tyaprabhaangeem
bhaje shaaradaambaamajasram madambaam.
bhavaambhojanetraaja-
sampoojyamaanaam
lasanmandahaasa-
prabhaavaktrachihnaam.
chalachchanchalaa-
chaarutaat'ankakarnaam
bhaje shaaradaambaamajasram madambaam.
Dayakara Saraswati Stotram
aravindagandhivadanaam shrutipriyaam sakalaagamaamshakarapustakaanvitaam. ramaneeyashubhravasanaam suraagrajaam vimalaam dayaakarasarasvateem bhaje. s....
Click here to know more..Krishna Ashraya Stotram
sarvamaargeshu nasht'eshu kalau cha khaladharmini. paashand'aprachure loke kri'shna eva gatirmama. mlechchhaakraanteshu desheshu paapaikanilayeshu cha....
Click here to know more..The Paradox Of Generosity: How Giving With Contempt Can Backfire
Generosity is often seen as a positive trait, but giving with contempt can have negative consequences. Discover how looking down on others while givin....
Click here to know more..