गजेन्द्रशार्दूलमृगेन्द्रवाहनं
मुनीन्द्रसंसेवितपादपङ्कजम् ।
देवीद्वयेनावृतपार्श्वयुग्मं
शास्तारमाद्यं सततं नमामि ॥
हरिहरभवमेकं सच्चिदानन्दरूपं
भवभयहरपादं भावनागम्यमूर्तिम् ।
सकलभुवनहेतुं सत्यधर्मानुकूलं
श्रितजनकुलपालं धर्मशास्तारमीडे ॥
हरिहरसुतमीशं वीरवर्यं सुरेशं
कलियुगभवभीतिध्वंसलीलावतारम् ।
जयविजयलक्ष्मी सुसंसृताजानुबाहुं
मलयगिरिनिवासं धर्मशास्तारमीडे ॥
परशिवमयमीड्यं भूतनाथं मुनीन्द्रं
करधृतविकचाब्जं ब्रह्मपञ्चस्वरूपम् ।
मणिमयसुकिरीटं मल्लिकापुष्पहारं
वरवितरणशीलं धर्मशास्तारमीडे ॥
हरिहरमयमाय बिम्बमादित्यकोटि-
त्विषममलमुखेन्दुं सत्यसन्धं वरेण्यम् ।
उपनिषदविभाव्यं ओंइतिध्यानगम्यं
मुनिजनहृदि चिन्त्यं धर्मशास्तारमीडे ॥
कनकमयदुकूलं चन्दनार्द्रावसिक्तं
सरसमृदुलहासं ब्राह्मणानन्दकारम् ।
मधुरसमयपाणिं मारजीवातुलीलं
सकलदुरितनाशं धर्मशास्तारमीडे ॥
मुनिजनगणसेव्यं मुक्तिसाम्राज्यमूलं
विदितसकलतत्वज्ञानमन्त्रोपदेशम् ।
इहपरफलहेतुं तारकं ब्रह्मसंज्ञं
षडरिमलविनाशं धर्मशास्तारमीडे ॥
मधुरसफलमुख्यैः पायसैर्भक्ष्यजालैः
दधिघृतपरिपूर्णैरन्नदानैस्सन्तुष्टम् ।
निजपदनमितानां नित्यवात्सल्यभावं
हृदयकमलमध्ये धर्मशास्तारमीडे ॥
भवगुणजनितानां भोगमोक्षाय नित्यं
हरिहरभवदेवस्याष्टकं सन्निधौ यः ।
पठति सकलभोगान् मुक्तिसाम्राज्यभाग्ये
भुवि दिवि खलु तस्मै नित्यतुष्टो ददाति ॥
gajendrashaardoolamri'gendravaahanam'
muneendrasam'sevitapaadapankajam .
deveedvayenaavri'tapaarshvayugmam'
shaastaaramaadyam' satatam' namaami ..
hariharabhavamekam' sachchidaanandaroopam'
bhavabhayaharapaadam' bhaavanaagamyamoortim .
sakalabhuvanahetum' satyadharmaanukoolam'
shritajanakulapaalam' dharmashaastaarameed'e ..
hariharasutameesham' veeravaryam' suresham'
kaliyugabhavabheetidhvam'saleelaavataaram .
jayavijayalakshmee susam'sri'taajaanubaahum'
malayagirinivaasam' dharmashaastaarameed'e ..
parashivamayameed'yam' bhootanaatham' muneendram'
karadhri'tavikachaabjam' brahmapanchasvaroopam .
manimayasukireet'am' mallikaapushpahaaram'
varavitaranasheelam' dharmashaastaarameed'e ..
hariharamayamaaya bimbamaadityakot'i-
tvishamamalamukhendum' satyasandham' varenyam .
upanishadavibhaavyam' om'itidhyaanagamyam'
munijanahri'di chintyam' dharmashaastaarameed'e ..
kanakamayadukoolam' chandanaardraavasiktam'
sarasamri'dulahaasam' braahmanaanandakaaram .
madhurasamayapaanim' maarajeevaatuleelam'
sakaladuritanaasham' dharmashaastaarameed'e ..
munijanaganasevyam' muktisaamraajyamoolam'
viditasakalatatvajnyaanamantropadesham .
ihaparaphalahetum' taarakam' brahmasanjnyam'
shad'arimalavinaasham' dharmashaastaarameed'e ..
madhurasaphalamukhyaih' paayasairbhakshyajaalaih'
dadhighri'taparipoornairannadaanaissantusht'am .
nijapadanamitaanaam' nityavaatsalyabhaavam'
hri'dayakamalamadhye dharmashaastaarameed'e ..
bhavagunajanitaanaam' bhogamokshaaya nityam'
hariharabhavadevasyaasht'akam' sannidhau yah' .
pat'hati sakalabhogaan muktisaamraajyabhaagye
bhuvi divi khalu tasmai nityatusht'o dadaati ..
Gananayaka Ashtakam
एकदन्तं महाकायं तप्तकाञ्चनसन्निभम्| लम्बोदरं विशालाक्....
Click here to know more..Dwadasha Jyotirlinga Stuti
sauraasht're somanaatham cha shreeshaile mallikaarjunam. ujjayinyaam mahaakaalamonkaaramamareshvaram. paralyaam vaidyanaatham cha d'aakinyaam bheemash....
Click here to know more..Why Did Shiva Cut Brahma's Head?
Learn why Shiva cut off Brahma's fifth head....
Click here to know more..