മഹാലക്ഷ്മി സുപ്രഭാത സ്തോത്രം

ഓം ശ്രീലക്ഷ്മി ശ്രീമഹാലക്ഷ്മി ക്ഷീരസാഗരകന്യകേ
ഉത്തിഷ്ഠ ഹരിസമ്പ്രീതേ ഭക്താനാം ഭാഗ്യദായിനി.
ഉത്തിഷ്ഠോത്തിഷ്ഠ ശ്രീലക്ഷ്മി വിഷ്ണുവക്ഷസ്ഥലാലയേ
ഉത്തിഷ്ഠ കരുണാപൂർണേ ലോകാനാം ശുഭദായിനി.
ശ്രീപദ്മമധ്യവസിതേ വരപദ്മനേത്രേ
ശ്രീപദ്മഹസ്തചിരപൂജിതപദ്മപാദേ.
ശ്രീപദ്മജാതജനനി ശുഭപദ്മവക്ത്രേ
ശ്രീലക്ഷ്മി ഭക്തവരദേ തവ സുപ്രഭാതം.
ജാംബൂനദാഭസമകാന്തിവിരാജമാനേ
തേജോസ്വരൂപിണി സുവർണവിഭൂഷിതാംഗി.
സൗവർണവസ്ത്രപരിവേഷ്ടിതദിവ്യദേഹേ
ശ്രീലക്ഷ്മി ഭക്തവരദേ തവ സുപ്രഭാതം.
സർവാർഥസിദ്ധിദേ വിഷ്ണുമനോഽനുകൂലേ
സമ്പ്രാർഥിതാഖിലജനാവനദിവ്യശീലേ.
ദാരിദ്ര്യദുഃഖഭയനാശിനി ഭക്തപാലേ
ശ്രീലക്ഷ്മി ഭക്തവരദേ തവ സുപ്രഭാതം.
ചന്ദ്രാനുജേ കമലകോമലഗർഭജാതേ
ചന്ദ്രാർകവഹ്നിനയനേ ശുഭചന്ദ്രവക്ത്രേ.
ഹേ ചന്ദ്രികാസമസുശീതലമന്ദഹാസേ
ശ്രീലക്ഷ്മി ഭക്തവരദേ തവ സുപ്രഭാതം.
ശ്രീആദിലക്ഷ്മി സകലേപ്സിതദാനദക്ഷേ
ശ്രീഭാഗ്യലക്ഷ്മി ശരണാഗത ദീനപക്ഷേ.
ഐശ്വര്യലക്ഷ്മി ചരണാർചിതഭക്തരക്ഷിൻ
ശ്രീലക്ഷ്മി ഭക്തവരദേ തവ സുപ്രഭാതം.
ശ്രീധൈര്യലക്ഷ്മി നിജഭക്തഹൃദന്തരസ്ഥേ
സന്താനലക്ഷ്മി നിജഭക്തകുലപ്രവൃദ്ധേ.
ശ്രീജ്ഞാനലക്ഷ്മി സകലാഗമജ്ഞാനദാത്രി
ശ്രീലക്ഷ്മി ഭക്തവരദേ തവ സുപ്രഭാതം.
സൗഭാഗ്യദാത്രി ശരണം ഗജലക്ഷ്മി പാഹി
ദാരിദ്ര്യധ്വംസിനി നമോ വരലക്ഷ്മി പാഹി.
സത്സൗഖ്യദായിനി നമോ ധനലക്ഷ്മി പാഹി
ശ്രീലക്ഷ്മി ഭക്തവരദേ തവ സുപ്രഭാതം.
ശ്രീരാജ്യലക്ഷ്മി നൃപവേശ്മഗതേ സുഹാസിൻ
ശ്രീയോഗലക്ഷ്മി മുനിമാനസപദ്മവാസിൻ.
ശ്രീധാന്യലക്ഷ്മി സകലാവനിക്ഷേമദാത്രി
ശ്രീലക്ഷ്മി ഭക്തവരദേ തവ സുപ്രഭാതം.
ശ്രീപാർവതീ ത്വമസി ശ്രീകരി ശൈവശൈലേ
ക്ഷീരോദധേസ്ത്വമസി പാവനി സിന്ധുകന്യാ.
സ്വർഗസ്ഥലേ ത്വമസി കോമലേ സ്വർഗലക്ഷ്മീ
ശ്രീലക്ഷ്മി ഭക്തവരദേ തവ സുപ്രഭാതം.
ഗംഗാ ത്വമേവ ജനനീ തുലസീ ത്വമേവ
കൃഷ്ണപ്രിയാ ത്വമസി ഭാണ്ഡിരദിവ്യക്ഷേത്രേ.
രാജഗൃഹേ ത്വമസി സുന്ദരി രാജ്യലക്ഷ്മീ
ശ്രീലക്ഷ്മി ഭക്തവരദേ തവ സുപ്രഭാതം.
പദ്മാവതീ ത്വമസി പദ്മവനേ വരേണ്യേ
ശ്രീസുന്ദരീ ത്വമസി ശ്രീശതശൃംഗക്ഷേത്രേ.
ത്വം ഭൂതലേഽസി ശുഭദായിനി മർത്യലക്ഷ്മീ
ശ്രീലക്ഷ്മി ഭക്തവരദേ തവ സുപ്രഭാതം.
ചന്ദ്രാ ത്വമേവ വരചന്ദനകാനനേഷു
ദേവി കദംബവിപിനേഽസി കദംബമാലാ.
ത്വം ദേവി കുന്ദവനവാസിനി കുന്ദദന്തീ
ശ്രീലക്ഷ്മി ഭക്തവരദേ തവ സുപ്രഭാതം.
ശ്രീവിഷ്ണുപത്നി വരദായിനി സിദ്ധലക്ഷ്മി
സന്മാർഗദർശിനി ശുഭങ്കരി മോക്ഷലക്ഷ്മി.
ശ്രീദേവദേവി കരുണാഗുണസാരമൂർതേ
ശ്രീലക്ഷ്മി ഭക്തവരദേ തവ സുപ്രഭാതം.
അഷ്ടോത്തരാർചനപ്രിയേ സകലേഷ്ടദാത്രി
ഹേ വിശ്വധാത്രി സുരസേവിതപാദപദ്മേ.
സങ്കഷ്ടനാശിനി സുഖങ്കരി സുപ്രസന്നേ
ശ്രീലക്ഷ്മി ഭക്തവരദേ തവ സുപ്രഭാതം.
ആദ്യന്തരഹിതേ വരവർണിനി സർവസേവ്യേ
സൂക്ഷ്മാതിസൂക്ഷ്മതരരൂപിണി സ്ഥൂലരൂപേ.
സൗന്ദര്യലക്ഷ്മി മധുസൂദനമോഹനാംഗി
ശ്രീലക്ഷ്മി ഭക്തവരദേ തവ സുപ്രഭാതം.
സൗഖ്യപ്രദേ പ്രണതമാനസശോകഹന്ത്രി
അംബേ പ്രസീദ കരുണാസുധയാഽഽർദ്രദൃഷ്ട്യാ.
സൗവർണഹാരമണിനൂപുരശോഭിതാംഗി
ശ്രീലക്ഷ്മി ഭക്തവരദേ തവ സുപ്രഭാതം.
നിത്യം പഠാമി ജനനി തവ നാമ സ്തോത്രം
നിത്യം കരോമി തവ നാമജപം വിശുദ്ധേ.
നിത്യം ശൃണോമി ഭജനം തവ ലോകമാതഃ
ശ്രീലക്ഷ്മി ഭക്തവരദേ തവ സുപ്രഭാതം.
മാതാ ത്വമേവ ജനനീ ജനകസ്ത്വമേവ
ദേവി ത്വമേവ മമ ഭാഗ്യനിധിസ്ത്വമേവ.
സദ്ഭാഗ്യദായിനി ത്വമേവ ശുഭപ്രദാത്രീ
ശ്രീലക്ഷ്മി ഭക്തവരദേ തവ സുപ്രഭാതം.
വൈകുണ്ഠധാമനിലയേ കലികല്മഷഘ്നേ
നാകാധിനാഥവിനുതേ അഭയപ്രദാത്രി.
സദ്ഭക്തരക്ഷണപരേ ഹരിചിത്തവാസിൻ
ശ്രീലക്ഷ്മി ഭക്തവരദേ തവ സുപ്രഭാതം.
നിർവ്യാജപൂർണകരുണാരസസുപ്രവാഹേ
രാകേന്ദുബിംബവദനേ ത്രിദശാഭിവന്ദ്യേ.
ആബ്രഹ്മകീടപരിപോഷിണി ദാനഹസ്തേ
ശ്രീലക്ഷ്മി ഭക്തവരദേ തവ സുപ്രഭാതം.
ലക്ഷ്മീതി പദ്മനിലയേതി ദയാപരേതി
ഭാഗ്യപ്രദേതി ശരണാഗതവത്സലേതി.
ധ്യായാമി ദേവി പരിപാലയ മാം പ്രസന്നേ
ശ്രീലക്ഷ്മി ഭക്തവരദേ തവ സുപ്രഭാതം.
ശ്രീപദ്മനേത്രരമണീവരേ നീരജാക്ഷി
ശ്രീപദ്മനാഭദയിതേ സുരസേവ്യമാനേ.
ശ്രീപദ്മയുഗ്മധൃതനീരജഹസ്തയുഗ്മേ
ശ്രീലക്ഷ്മി ഭക്തവരദേ തവ സുപ്രഭാതം.
ഇത്ഥം ത്വദീയകരുണാത്കൃതസുപ്രഭാതം
യേ മാനവാഃ പ്രതിദിനം പ്രപഠന്തി ഭക്ത്യാ.
തേഷാം പ്രസന്നഹൃദയേ കുരു മംഗലാനി
ശ്രീലക്ഷ്മി ഭക്തവരദേ തവ സുപ്രഭാതം.