സുരേജ്യാ വിശാലാ സുഭദ്രാ മനോജ്ഞാ
രമാ ശ്രീപദാ മന്ത്രരൂപാ വിവന്ദ്യാ।
നവാ നന്ദിനീ വിഷ്ണുപത്നീ സുനേത്രാ
സദാ ഭാവിതവ്യാ സുഹർഷപ്രദാ മാ।
അച്യുതാം ശങ്കരാം പദ്മനേത്രാം സുമാം
ശ്രീകരാം സാഗരാം വിശ്വരൂപാം മുദാ।
സുപ്രഭാം ഭാർഗവീം സർവമാംഗല്യദാം
സന്നമാമ്യുത്തമാം ശ്രേയസീം വല്ലഭാം।
ജയദയാ സുരവന്ദിതയാ ജയീ
സുഭഗയാ സുധയാ ച ധനാധിപഃ।
നയദയാ വരദപ്രിയയാ വരഃ
സതതഭക്തിനിമഗ്നജനഃ സദാ।
കല്യാണ്യൈ ദാത്ര്യൈ സജ്ജനാമോദനായൈ
ഭൂലക്ഷ്മ്യൈ മാത്രേ ക്ഷീരവാര്യുദ്ഭവായൈ।
സൂക്ഷ്മായൈ മായൈ ശുദ്ധഗീതപ്രിയായൈ
വന്ദ്യായൈ ദേവ്യൈ ചഞ്ചലായൈ നമസ്തേ।
ന വൈ പരാ മാതൃസമാ മഹാശ്രിയാഃ
ന വൈ പരാ ധാന്യകരീ ധനശ്രിയാഃ।
ന വേദ്മി ചാന്യാം ഗരുഡധ്വജസ്ത്രിയാഃ
ഭയാത്ഖലാന്മൂഢജനാച്ച പാഹി മാം।
സരസിജദേവ്യാഃ സുജനഹിതായാഃ
മധുഹനപത്ന്യാഃ ഹ്യമൃതഭവായാഃ।
ഋതുജനികായാഃ സ്തിമിതമനസ്യാഃ
ജലധിഭവായാഃ ഹ്യഹമപി ദാസഃ।
മായാം സുഷമായാം ദേവ്യാം വിമലായാം
ഭൂത്യാം ജനികായാം തൃപ്ത്യാം വരദായാം।
ഗുർവ്യാം ഹരിപത്ന്യാം ഗൗണ്യാം വരലക്ഷ്മ്യാം
ഭക്തിർമമ ജൈത്ര്യാം നീത്യാം കമലായാം।
അയി താപനിവാരിണി വേദനുതേ
കമലാസിനി ദുഗ്ധസമുദ്രസുതേ।
ജഗദംബ സുരേശ്വരി ദേവി വരേ
പരിപാലയ മാം ജനമോഹിനി മേ।
മഹാലക്ഷ്മീ അഷ്ടോത്തര ശതനാമാവലി
ഓം അംബികായൈ നമഃ . ഓം സിദ്ധേശ്വര്യൈ നമഃ . ഓം ചതുരാശ്രമവാണ്....
Click here to know more..കൃഷ്ണ ദ്വാദശ നാമ സ്തോത്രം
കിം തേ നാമസഹസ്രേണ വിജ്ഞാതേന തവാഽർജുന. താനി നാമാനി വിജ്ഞ....
Click here to know more..ഐശ്വര്യത്തിനായുള്ള വാസ്തു പുരുഷ് മന്ത്രം
ഓം സുരശ്രേഷ്ഠായ നമഃ. ഓം മഹാബലസമന്വിതായ നമഃ. ഓം ഗുഡാന്നാ....
Click here to know more..