వేంగటేశ ప్రభావ స్తోత్రం

శ్రీవేంకటేశపదపంకజధూలిపంక్తిః
సంసారసింధుతరణే తరణిర్నవీనా .
సర్వాఘపుంజహరణాయ చ ధూమకేతుః
పాయాదనన్యశరణం స్వయమేవ లోకం ..

శేషాద్రిగేహ తవ కీర్తితరంగపుంజ
ఆభూమినాకమభితః సకలాన్ పునానః .
మత్కర్ణయుగ్మవివరే పరిగమ్య సమ్యక్
కుర్యాదశేషమనిశం ఖలు తాపభంగం ..

వైకుంఠరాజసకలోఽపి ధనేశవర్గో
నీతోఽపమానసరణిం త్వయి విశ్వసిత్రా .
తస్మాదయం న సమయః పరిహాసవాచాం
ఇష్టం ప్రపూర్య కురు మాం కృతకృత్యసంఘం ..

శ్రీమన్నారాస్తు కతిచిద్ధనికాంశ్చ కేచిత్
క్షోణీపతీన్ కతిచిదత్ర చ రాజలోకాన్ .
ఆరాధయంతుమలశూన్యమహం భవంతం
కల్యాణలాభజననాయసమర్థమేకం ..

లక్ష్మీపతిత్వమఖిలేశ తవ ప్రసిద్ధమత్ర
ప్రసిద్ధమవనౌమదకించనత్వం .
తస్యోపయోగకరణాయమయా త్వయా చ
కార్యః సమాగమైదం మనసి స్థితం మే ..

శేషాద్రినాథ భవతాఽయమహం సనాథః
సత్యం వదామి భగవంస్త్వమనాథ ఏవ .
తస్మాత్ కురుష్వ మదభీప్సితకృత్యజాల-
మేవత్వదీప్సిత కృతౌ తు భవాన్ సమర్థః ..

క్రుద్ధో యదా భవసి తత్క్షణమేవ భూపో
రంకాయతే త్వమసి చేత్ఖలు తోషయుక్తః .
భూపాయతేఽథ నిఖిలశ్రుతివేద్యరంక
ఇచ్ఛామ్యతస్తవ దయాజలవృష్టిపాతం ..

అంగీకృతం సువిరుదం భగవంస్త్వయేతి
మద్భక్తపోషణమహం సతతం కరోమి .
ఆవిష్కురుస్వమయి సత్సతతం ప్రదీనే
చింతాప్రహారమయమేవహియోగ్యకాలః ..

సర్వాసు జాతిషు మయాతు సమత్వమేవ
నిశ్చీయతేతవ విభో కరుణాప్రవాహాత్ .
ప్రహ్లాదపాండుసుతబల్లవ గృఘ్రకాదౌ
నీచో న భాతి మమ కోఽప్యత ఏవ హేతోః ..

సంభావితాస్తు పరిభూతిమథ ప్రయాంతి
ధూర్తాజపం హి కపటైకపరా జగత్యాం .
ప్రాప్తేతు వేంకటవిభో పరిణామకాలే
స్యాద్వైపరీత్యమివ కౌరవపాండవానాం ..

శ్రీవేంకటేశ తవ పాదసరోజయుగ్మే
సంసారదుఃఖశమనాయ సమర్పయామి .
భాస్వత్సదష్టకమిదం రచితం
ప్రభాకరోఽహమనిశం వినయేన యుక్తః ..

శ్రీశాలివాహనశకేశరకాష్టభూమి-
సంఖ్యామితేఽథవిజయాభిధవత్సరేఽయం .
శ్రీకేశవాత్మజేదం వ్యతనోత్ సమల్పం
స్తోత్రంప్రభాకర ఇతి ప్రథితాభిధానా ..