உமா மகிமா ஸ்தோத்திரம்

முனய ஊசு꞉ -

உமாயா புவனேஶாந்யாஸ்ஸூத ஸர்வார்தவித்தம .
அவதாரம்ʼ ஸமாசக்ஷ்வ யதோ ஜாதா ஸரஸ்வதீ ..

யா கீயதே பரப்ரஹ்மமூலப்ரக்ருʼதிரீஶ்வரீ .
நிராகாராபி ஸாகாரா நித்யானந்தமயீ ஸதீ ..

ஸூத உவாச -

தாபஸா꞉ ஶ்ருʼணுத ப்ரேம்ணா சரித்ரம்ʼ பரமம்ʼ மஹத் .
யஸ்ய விஜ்ஞானமாத்ரேண நரோ யாதி பராம்ʼ கதிம் ..

தேவதானவயோர்யுத்தமேகதாஸீத்பரஸ்பரம் .
மஹாமாயாப்ரபாவேணாமராணாம்ʼ விஜயோ(அ)பவத் ..

ததோ(அ)வலிப்தா அமராஸ்ஸ்வப்ரஶம்ʼஸாம்ʼ விதேநிரே .
வயம்ʼ தன்யா வயம்ʼ தன்யா꞉ கிம்ʼ கரிஷ்யந்தி நோ(அ)ஸுரா꞉ ..

யே ப்ரபாவம்ʼ ஸமாலோக்யாஸ்மாகம்ʼ பரமது꞉ஸஹம் .
பீதா நாகாலயம்ʼ யாதா யாதயாதேதி வாதின꞉ ..

அஹோ பலமஹோ தேஜோ தைத்யவம்ʼஶக்ஷயங்கரம் .
அஹோ பாக்யம்ʼ ஸுமனஸாமேவம்ʼ ஸர்வே(அ)ப்யவர்ணயன் ..

தத ஆவிரபூத்தேஜ꞉ கூடரூபந்ததைவ ஹி .
அத்ருʼஷ்டபூர்வம்ʼ தத்த்ருʼஷ்ட்வா விஸ்மிதா அபவன்ஸுரா꞉ ..

கிமிதம்ʼ கிமிதம்ʼ சேதி ருத்தகண்டாஸ்ஸமப்ருவன .
அஜானந்த꞉ பரம்ʼ ஶ்யாமானுபாவம்ʼ மானபஞ்ஜனம் ..

தத ஆஜ்ஞாபயத்தேவாந்தேவாநாமதிநாயக꞉ .
யாத யூயம்ʼ பரீக்ஷத்வம்ʼ யாதாதத்யேன கின்விதி ..

ஸுரேந்த்ரப்ரேரிதோ வாயுர்மஹஸ꞉ ஸந்நிதிம்ʼ கத꞉ .
கஸ்த்வம்ʼ போரிதி ஸம்போத்யாவோசதேனம்ʼ ச தன்மஹ꞉ ..

இதி ப்ருʼஷ்டஸ்ததா வாயுர்மஹஸாதிகரீயஸா .
வாயுரஸ்மி ஜகத்ப்ராணஸ்ஸாபிமானோ(அ)ப்ரவீதிதம் ..

ஜங்கமாஜங்கமம்ʼ ஸர்வமோதப்ரோதமிதம்ʼ ஜகத் .
மய்யேவ நிகிலாதாரே சாலயாம்யகிலம்ʼ ஜகத் ..

ததோவாச மஹாதேஜ꞉ ஶக்தோ(அ)ஸி யதி சாலனே .
த்ருʼதமேதத்த்ருʼணம்ʼ வாயோ சாலயஸ்வ நிஜேச்சயா ..

தத꞉ ஸர்வப்ரயத்னேனாகரோத்யத்னம்ʼ ஸதாகதி꞉ .
ந சசால யதா ஸ்தானாத்ததாஸௌ லஜ்ஜிதோ(அ)பவத ..

தூஷ்ணீம்ʼ பூத்வா ததோ வாயுர்ஜகாமேந்த்ரஸபாம்ʼ ப்ரதி .
கதயாமாஸ தத் வ்ருʼத்தம்ʼ ஸ்வகீயாபிபவான்விதம் ..

ஸர்வேஶத்வம்ʼ வயம்ʼ ஸர்வே ம்ருʼஷைவாத்மனி மன்மஹே .
ந பாரயாமஹே கிஞ்சித்விதாதும்ʼ க்ஷுத்ரவஸ்த்வபி ..

ததஶ்ச ப்ரேஷயாமாஸ மருத்வான்ஸகலான்ஸுரான் .
ந ஶேகுஸ்தே யதா ஜ்ஞாதும்ʼ ததேந்த்ர꞉ ஸ்வயமப்யகாத் ..

மகவந்தமதாயாந்தம்ʼ த்ருʼஷ்ட்வா தேஜோதிது꞉ஸஹம் .
பபூவாந்தர்ஹிதம்ʼ ஸத்யோ விஸ்மிதோ(அ)பூச்ச வாஸவ꞉ ..

சரித்ரமீத்ருʼஶம்ʼ யஸ்ய தமேவ ஶரணம்ʼ ஶ்ரயே .
இதி ஸஞ்சிந்தயாமாஸ ஸஹஸ்ராக்ஷ꞉ புன꞉புன꞉ ..

ஏதஸ்மின்னந்தரே தத்ர நிர்வ்யாஜகருணாதனு꞉ .
தேஷாமனுக்ரஹம்ʼ கர்தும்ʼ ஹர்தும்ʼ கர்வம்ʼ ஶிவாங்கனா ..

சைத்ரஶுக்லனவம்யாம்ʼ து மத்யாஹ்னஸ்தே திவாகரே .
ப்ராதுராஸீதுமா தேவீ ஸச்சிதானந்தரூபிணீ ..

மஹோமத்யே விராஜந்தீ பாஸயந்தீ திஶோ ருசா .
போதயந்தீ ஸுரான்ஸர்வான்ப்ரஹ்மைவாஹமிதி ஸ்புடம் ..

சதுர்பிர்தததீ ஹஸ்தைர்வரபாஶாங்குஶாபயான் .
ஶ்ருதிபிஸ்ஸேவிதா ரம்யா நவயௌவநகர்விதா ..

ரக்தாம்பரபரீதானா ரக்தமால்யானுலேபனா .
கோடிகந்தர்ப்பஸங்காஶா சந்த்ரகோடிஸமப்ரபா ..

வ்யாஜஹார மஹாமாயா ஸர்வாந்தர்ய்யாமிரூபிணீ .
ஸாக்ஷிணீ ஸர்வபூதானாம்ʼ பரப்ரஹ்மஸ்வரூபிணீ ..

உமோவாச -

ந ப்ரஹ்மா ந முராராதிர்ன புராராதிரீஶ்வர꞉ .
மதக்ரே கர்விதும்ʼ கிஞ்சித்கா கதான்யஸுபர்வணாம் ..

பரம்ʼ ப்ரஹ்ம பரம்ʼ ஜ்யோதி꞉ ப்ரணவத்வந்த்வரூபிணீ .
அஹமேவாஸ்மி ஸகலம்ʼ மதன்யோ நாஸ்தி கஶ்சன ..

நிராகாராபி ஸாகாரா ஸர்வதத்த்வஸ்வரூபிணீ .
அப்ரதர்க்யகுணா நித்யா கார்யகாரணரூபிணீ ..

கதாசித்தயிதாகாரா கதாசித்புருஷாக்ருʼதி꞉ .
கதாசிதுபயாகாரா ஸர்வாகாராஹமீஶ்வரீ ..

விரஞ்சி꞉ ஸ்ருʼஷ்டிகர்தாஹம்ʼ ஜகத்பாதாஹமச்யுத꞉ .
ருத்ர꞉ ஸம்ʼஹாரகர்தாஹம்ʼ ஸர்வவிஶ்வவிமோஹினீ ..

காலிகா கமலாவாணீ முகாஸ்ஸர்வா ஹி ஶக்தய꞉ .
மதம்ʼஶாதேவ ஸஞ்ஜாதாஸ்ததேமாஸ்ஸகலா꞉ கலா꞉ ..

மத்ப்ரபாவாஜ்ஜிதாஸ்ஸர்வே யுஷ்மாபிர்த்திதிநந்தனா꞉ .
தாமவிஜ்ஞாய மாம்ʼ யூயம்ʼ வ்ருʼதா ஸர்வேஶமானின꞉ ..

யதா தாருமயீம்ʼ யோஷாம்ʼ நர்தயத்யைந்த்ரஜாலிக꞉ .
ததைவ ஸர்வபூதானி நர்தயாம்யஹமீஶ்வரீ ..

மத்பயாத்வாதி பவன꞉ ஸர்வம்ʼ தஹதி ஹவ்யபுக் .
லோகபாலா꞉ ப்ரகுர்வந்தி ஸ்வஸ்வகர்மாண்யநாரதம் ..

கதாசித்தேவவர்காணாம்ʼ கதாசித்திதிஜன்ம நாம் .
கரோமி விஜயம்ʼ ஸம்யக்ஸ்வதந்த்ரா நிஜலீலயா ..

அவிநாஶி பரம்ʼ தாம மாயாதீதம்ʼ பராத்பரம் .
ஶ்ருதயோ வர்ணயந்தே யத்தத்ரூபந்து மமைவ ஹி ..

ஸகுணம்ʼ நிர்குணம்ʼ சேதி மத்ரூபம்ʼ த்விவிதம்ʼ மதம் .
மாயாஶபலிதம்ʼ சைகம்ʼ த்விதீயந்ததநாஶ்ரிதம் ..

ஏவம்ʼ விஜ்ஞாய மாம்ʼ தேவாஸ்ஸ்வம்ʼ ஸ்வம்ʼ கர்வம்ʼ விஹாய ச .
பஜத ப்ரணயோபேதா꞉ ப்ரக்ருʼதிம்ʼ மாம்ʼ ஸனாதனீம் ..

இதி தேவ்யா வச꞉ ஶ்ருத்வா கருணாகர்பிதம்ʼ ஸுரா꞉ .
துஷ்டுவு꞉ பரமேஶானீம்ʼ பக்திஸன்னதகந்தரா꞉ ..

க்ஷமஸ்வ ஜகதீஶானி ப்ரஸீத பரமேஶ்வரி .
மைவம்ʼ பூயாத்கதாசின்னோ கர்வோ மாதர்த்தயாம்ʼ குரு ..

தத꞉ப்ரப்ருʼதி தே தைவா ஹித்வா கர்வம்ʼ ஸமாஹிதா꞉ .
உமாமாராதயாமாஸுர்யதாபூர்வம்ʼ யதாவிதி ..

இதி வ꞉ கதிதோ விப்ரா உமாப்ராதுர்பவோ மயா .
யஸ்ய ஶ்ரவணமாத்ரேண பரமம்ʼ பதமஶ்னுதே ..

Ramaswamy Sastry and Vighnesh Ghanapaathi

Other stotras