അർകകോടി-
പ്രതാപാന്വിതാമംബികാം
ആദിമധ്യാവസാനേഷു സങ്കീർതിതാം.
ഇഷ്ടസിദ്ധിപ്രദാ-
മിന്ദുപൂർണാനനാം
സാരദാം സർവദാഽഹം ഭജേ ശാരദാം.
വർണമാതൃസ്വരൂപാം വികാരാദൃതാം
വാമനേത്രാം വസിഷ്ഠാദിസംവനദിതാം.
പൂതചിത്താം പരാം ഭൂതഭൂതിപ്രദാം
സാരദാം സർവദാഽഹം ഭജേ ശാരദാം.
പാപസമ്മർദിനീം പുണ്യസംവർദ്ധിനീം
ദാതൃധാതൃപ്രകാമാം വിധാത്രീം വരാം.
ചിത്രവർണാം വിശാലാം വിദോഷാപഹാം
സാരദാം സർവദാഽഹം ഭജേ ശാരദാം.
ചമ്പകാശോക-
പുന്നാഗമന്ദാരകൈഃ
അർകമല്ലീ-
സുമൈർമാലതീശാല്മലൈഃ.
പൂജിതാം പദ്മജാം പാർഥിവപ്രേരകാം
സാരദാം സർവദാഽഹം ഭജേ ശാരദാം.
മൗക്തികൈരിന്ദ്രനീലൈഃ സുഗാരുത്മതൈഃ
യുക്തമുഖ്യാംഗഭൂഷാം യശോവർധിനീം.
സത്യതത്ത്വപ്രിയാം ശാന്തചിത്താം സുരാം
സാരദാം സർവദാഽഹം ഭജേ ശാരദാം.
സ്വർണനീഹാരരൂപ്യാഗ്ര-
വജ്രപ്രഭൈഃ
സർവഹാരൈഃ കലാപൈർഗലേ മണ്ഡിതാം.
സിദ്ധിബുദ്ധിപ്രദാ-
മൃദ്ധിയുക്ത്യാവഹാം
സാരദാം സർവദാഽഹം ഭജേ ശാരദാം.
സിന്ധുകാവേരികാ-
നർമദാസജ്ജലൈഃ
സിക്തപാദൗ സുതപ്തേ ഭുവി സ്ഥാപിതാം.
ചർവിതാശേഷഗർവാം ശരണ്യാഗ്രഗാം
സാരദാം സർവദാഽഹം ഭജേ ശാരദാം.
ശൂരമുഖ്യൈഃ സദാ സേവിതാം സത്തമാം
ദേശികാം യന്ത്രമുഖ്യാവൃതാം ദേവികാം.
സർവമാംഗല്യയുക്തേശ്വരീം ശൈലജാം
സാരദാം സർവദാഽഹം ഭജേ ശാരദാം.
ശാരദാം സർവദാ യോ ഭജേദ് ഭക്തിമാൻ
സുപ്രസന്നാ സദാ സാരദാ തസ്യ വൈ.
യച്ഛതി സ്വം ബലം രാജ്യമിഷ്ടം സുഖം
മാനവൃദ്ധിം മുദാ ഹ്യായുഷം പൂർണകം.

Ramaswamy Sastry and Vighnesh Ghanapaathi