വിഘ്നേശം പ്രണതോഽസ്മ്യഹം ശിവസുതം സിദ്ധീശ്വരം ദന്തിനം
ഗൗരീനിർമിതഭാസമാനവപുഷം ശ്വേതാർകമൂലസ്ഥിതം .
സർവാരംഭണപൂജിതം ദ്വിപമുഖം ദൂർവാസമിജ്യാപ്രിയം
മൂലാധാരനിവാസിനം ച ഫണിനാ ബദ്ധോദരം ബുദ്ധിദം ..

ശ്വേതാംഭോരുഹവാസിനീപ്രിയമനാഃ വേധാശ്ച വേദാത്മകഃ
ശ്രീകാന്തസ്സ്ഥിതികാരകഃ സ്മരപിതാ ക്ഷീരാബ്ധിശയ്യാഹിതഃ .
ചന്ദ്രാലങ്കൃതമസ്തകോ ഗിരിജയാ പൃക്താത്മദേഹശ്ശിവ-
സ്തേ ലോകത്രയവന്ദിതാസ്ത്രിപുരുഷാഃ കുര്യുർമഹന്മംഗലം ..

സംസാരാർണവതാരണോദ്യമരതാഃ പ്രാപഞ്ചികാനന്ദഗാഃ
ജ്ഞാനാബ്ധിം വിഭുമാശ്രയന്തി ചരമേ നിത്യം സദാനന്ദദം .
ആപ്രത്യൂഷവിഹാരിണോ ഗഗനഗാഃ നൈകാഃ മനോജ്ഞാഃ സ്ഥലീ-
ര്വീക്ഷ്യാന്തേ ഹി നിശാമുഖേ വസതരും ഗച്ഛന്തി ചന്ദ്രദ്യുതൗ ..

Ramaswamy Sastry and Vighnesh Ghanapaathi