നമസ്തേ രാധികേ തുഭ്യം നമസ്തേ വൃഷഭാനുജേ .
ശ്രീകൃഷ്ണചന്ദ്രപ്രീതായൈ നമോ വൃന്ദാവനസ്ഥിതേ ..

നമോഽസ്തു സുരസുന്ദര്യൈ പൂർണചന്ദ്രാനനേ ശുഭേ .
മാധവാങ്കസമാസീനേ രാധേ തുഭ്യം നമോ നമഃ ..

സുശാന്തേ സർവലോകേശി സുചാരുവനവാസിനി .
സുവർത്തുലസ്തനേ തുഭ്യം രാധികായൈ നമോ നമഃ ..

ദേവകീനന്ദനാഭീഷ്ടേ ഗീതഗോവിന്ദവർണിതേ .
മനോജദർപഹന്ത്ര്യൈ തേ രാധികായൈ സദാ നമഃ ..

കൃഷ്ണനാമജപാസക്തേ കൃഷ്ണവാമാർദ്ധരൂപിണി .
പ്രേമത്രപാശയേ തുഭ്യം രാധേ നിത്യം നമോ നമഃ ..

രാധികാപഞ്ചകസ്തോത്രം ഭക്ത്യാ യസ്തു സദാ പഠേത് .
ശ്രീകൃഷ്ണഭക്തിമാപ്നോതി പ്രേമ പ്രാപ്നോതി യൗവനേ ..

Ramaswamy Sastry and Vighnesh Ghanapaathi