കലയ കലാവിത്പ്രവരം കലയാ നീഹാരദീധിതേഃ ശീർഷം .
സതതമലങ്കുർവാണ പ്രണതാവനദീക്ഷ യക്ഷരാജസഖ ..

കാന്താഗേന്ദ്രസുതായാഃ ശാന്താഹങ്കാരചിന്ത്യചിദ്രൂപ .
കാന്താരഖേലനരുചേ ശാന്താന്തഃകരണം ദീനമവ ശംഭോ ..

ദാക്ഷായണീമനോംബ്രുജഭാനോ വീക്ഷാവിതീർണവിനതേഷ്ട .
ദ്രാക്ഷാമധുരിമമദഭരശിക്ഷാകത്രീം പ്രദേഹി ഭമ വാചം ..

പാരദസമാനവർണൗ നീരദനീകാശദിവ്യഗലദേശഃ .
പാദനതദേവസംഘഃ പശുമനിശം പാതു മാമീശഃ ..

ഭവ ശംഭോ ഗുരുരൂപേണാശു മേഽദ്യ കരുണാബ്ധേ .
ചിരതരമിഹ വാസം കുരു ജഗതീം രക്ഷൻ പ്രബോധനാനേന ..

യക്ഷാധിപസഖമനിശം രക്ഷാചതുരം സമസ്തലോകാനാം .
വീക്ഷാദാപിതകവിതം ദാക്ഷായണ്യാഃ പതിം നൗമി ..

യമനിയമനിരതലഭ്യം ശമദമമുഖഷങ്കദാനകൃതദീക്ഷം .
രമണീയപദസരോജം ശമനാഹിതമാശ്രയേ സതതം ..

യമിഹൃന്മാനസഹംസം ശമിതാഘൗഘം പ്രണാമമാത്രേണ .
അമിതായുഃപ്രദപൂജം കമിതാരം നൗമി ശൈലതനയായാഃ ..

യേന കൃതമിന്ദുമൗലേ മാനവവര്യേണ താവകസ്മരണം .
തേന ജിതം ജഗദഖിലം കോ ന ബ്രൂതേ സുരാര്യതുല്യേന ..

Ramaswamy Sastry and Vighnesh Ghanapaathi