നമസ്തേ ജാമദഗ്ന്യായ ക്രോധദഗ്ധമഹാസുര . 
ക്ഷത്രാന്തകായ ചണ്ഡായ രാമായാപാരതേജസേ ..

വിനാശകായ ദുഷ്ടാനാം രക്ഷകായ സദർഥിനാം . 
ഭൃഗുകുല്യായ വീരായ വിഷ്ണുരൂപായ തേ നമഃ ..

മഹാഭയങ്കരായൈവ മഹാദേവായ ധീമതേ . 
ബ്രഹ്മവംശോദ്ഭവായൈവ പർശുരാമ നമോഽസ്തു തേ ..

പർശുഹസ്തായ വീരായ രേണുകാനന്ദവർധിനേ . 
സർവദുഷ്ടശമായൈവ തുഭ്യം രാമ നമോഽസ്തു തേ ..

യജ്ഞവിഘ്നഹരായൈവ കൃപാണധൃതവക്ഷസേ . 
കുകർമനാശകായാസ്തു നമസ്തുഭ്യം ഹരേ മുഹുഃ ..

രക്ഷസ്വ മാം മഹാബാഹോ മഹാബല നമോഽസ്തു തേ . 
ദുർജനൈഃ പരിവിഷ്ടം ഹി ശത്രുസംഘാതവാരണ ..

ധനുർവേദപ്രധാനായ വേദസാരായ ധീമതേ . 
തപോധനപ്രിയായൈവ ജഗന്നാഥായ തേ നമഃ ..

ജപേത് സ്തോത്രം സദാ ജപ്യം യഃ സുധീഃ പ്രത്യഹം മുദാ .
നിത്യം രക്ഷാമവാപ്നോതി ശത്രുഭ്യോ നഹി സംശയഃ ..

Ramaswamy Sastry and Vighnesh Ghanapaathi