ഗണേശായ നമസ്തുഭ്യം വിഘ്നനാശായ ധീമതേ.
ധനം ദേഹി യശോ ദേഹി സർവസിദ്ധിം പ്രദേഹി മേ..

ഗജവക്ത്രായ വീരായ ശൂർപകർണായ ഭാസ്വതേ.
വിഘ്നം നാശയ മേ ദേവ സ്ഥിരാം ലക്ഷ്മീം പ്രയച്ഛ മേ..

ഏകദന്തായ ശാന്തായ വക്രതുണ്ഡായ ശ്രീമതേ.
ദന്തിനേ ഭാലചന്ദ്രായ ധനം ധാന്യം ച ദേഹി മേ..

മഹാകായായ ദീർഘായ സൂര്യകോടിപ്രഭായ ച.
വിഘ്നം സംഹര മേ ദേവ സർവകാര്യേഷു സർവദാ..

ശക്തിസമ്പന്നദേവായ ഭക്തവാഞ്ഛിതസിദ്ധയേ.
പ്രാർഥനാം ശൃണു മേ ദേവ ത്വം മേ ഭവ ധനപ്രദഃ..

നമസ്തേ ഗണനാഥായ സൃഷ്ടിസ്ഥിതിലയോദ്ഭവ.
ത്വയി ഭക്തിം പരാം ദേഹി ബലം ലക്ഷ്മീമപി സ്ഥിരാം..

ഗണേശായ നമസ്തുഭ്യം വക്രതുണ്ഡായ വാഗ്മിനേ.
സർവവിഘ്നഹര ശ്രേഷ്ഠാം സമ്പത്തിം ചാഽഽശു യച്ഛ മേ..

സിദ്ധിബുദ്ധിപ്രദാതാരം സർവമംഗലകാരകം.
വന്ദേഽഹം സർവമൈശ്വര്യം സർവസൗഖ്യം പ്രയച്ഛ മേ..

Ramaswamy Sastry and Vighnesh Ghanapaathi